शुक्रवार, श्रावण २० २०७९

बुटवल जेसिजको सप्ताह : खाद्यान्न वितरणदेखि साईबर क्राईम सचेतनासम्म

नागरिक अनलाइन

2.0K

बुटवल जेसिजको सप्ताह : खाद्यान्न वितरणदेखि साईबर क्राईम सचेतनासम्म

बुटवल,साउन २० ।

दीगो विकास लक्ष्य कार्यक्रमलाई सघाउन बुटवल जेसिजले सप्ताहव्यापी रुपमा जेसिज सप्ताह मनाउने भएको छ । हरेक वर्ष वार्षिक कार्यक्रम अन्तर्गत मनाउने सप्ताह शनिवारदेखि शुरू हुने बुटवलमा पत्रकार सम्मेलन गरि जानकारी गराईएको हो ।

जेसिजका वर्ष २०२२ का अध्यक्ष चन्द्रमणी भुसालले सरकारले अगाडी सारेको दीगो विकास लक्ष्य कार्यक्रमलाई सघाउ पुग्ने गरि जेसिजले पनि युवाहरुको नेतृत्व क्षमता विकाससंगै हरेक वर्ष विभिन्न कार्यक्रम गर्दै आएको बताउनुभयो ।

सप्ताहव्यापी कार्यक्रम अन्तर्गत खाद्यान्न वितरण, फलफूलका वृक्षरोपण, रक्तदान, दन्तशिवीर, आंखा जांच, साईबर क्राईम विरुद्ध सचेतनामुलक अन्तर्कृया लगायतका कार्यक्रम आयोजना गरिएको जेसिजका मिडिया संयोजक आविश्कार खनालले जानकारी दिनुभयो ।

४९ वर्ष अगाडी स्थापना भएको बुटवल जेसिजले स्थापना कालदेखि नै युवानेतृत्व विकास, रक्तदान, सरसफाई, स्वास्थ्य शिवीर, दैवीप्रकोप प्रभावितहरुलाई राहत, विपन्न बर्गका समुदायलाई खाद्यान्न सहयोग लगायतका कार्यक्रम गर्दै आएको छ ।

सो अवसरमा जेसिजका महासचिव मोहन न्यौपाने, कार्यक्रम संयोजक चन्द्रकान्त डुम्रे, कानुनी सल्लाहकार विनोद घिमिरे,कोषाध्यक्ष केशव श्रीस लगायतले जेसिज अभियानको बारेमा जानकारी दिनुभएको थियो ।

यी खबरहरु पनि हेराैँ :-