बुटवल,जेठ ८-

सरकारको सिफारिसमा राष्ट्रपति विद्यादेवी भण्डारीले मध्यरातमा प्रतिनिधिसभा विघटनको घोषणा गरेकी छिन् ।

उनले आगामी कात्तिक २६ र मंसिर ३ मा मध्यावधि निर्वाचनको घोषणासमेत गरेकी छिन् । राष्ट्रपतिले संसद भंग गरेर मध्यावधि चुनावको घोषणा गर्दा रातको एक बजेको थियो । 

राष्ट्रपतिले शुक्रबार राति साढे १० बजेपछि शेरबहादुर देउवा र केपी ओली दुबैले प्रस्तुत गरेको नयाँ सरकार गठनको दाबी नपुगेको भन्दै दुबै दाबी खारेज गरिदिएका थिइन् । त्यसपछि बालुवाटारमा मध्यरातमा बसेको मन्त्रिपरिषद्को बैठकले प्रतिनिधिसभा  विघटनको सिफारिस गर्दै कार्तिक २६ मङ्सिर ३ गते चुनाव गर्ने मिति प्रस्ताव गरेको थियो ।

राष्ट्रपति विद्यादेवी भण्डारीले सरकार गठनका लागि प्रधानमन्त्री केपी शर्मा ओली र नेपाली काँग्रेसका सभापति शेरबहादुर देउवाले गरेको दाबी पूर्ण नभएको भन्दै खारेज लगत्तै बसेको मन्त्रिपरिषद् बैठकले प्रतिनिधिसभा विघटन गरी निर्वाचनको घोषणा गर्ने निर्णय गरेको हो । 

प्रधानमन्त्री केपी ओलीले संसद् भंग गरेको यो दोस्रोचोटि हो । हो । यसअघि प्रधानमन्त्री ओलीले २०७७ पुस ५ गते प्रतिनिधि सभा विघटन गर्दै वैशाखमा निर्वाचन गर्ने घोषणा गरेका थिए तर सर्वोच्च अदालतले फागुन ११ गते सरकारको सो निर्णय उल्टाइदिएको थियो ।

राष्ट्रपति कार्यालयको  विज्ञप्ति:

सम्माननीय राष्ट्रपति श्रीमती विद्यादेवी भण्डारीज्यूबाट नेपालको संविधानको धारा ७६ को उपधारा ९७० बमोजिम वर्तमान प्रतिनिधि सभा विघटन गर्न र अर्को प्रतिनिधि सभाको पहिलो चरणको निर्वाचन संवत् २०७८ साल कार्तिक २६ गते शुक्रबार र दोस्रो चरणको निर्वाचन संवत् २०७८ साल मङ्सीर ३ गते शुक्रबार सम्पन्न गर्नेगरी निर्वाचनको मिति तोक्न नेपाल सरकार, मन्त्रिपरिषदबाट मिति २०७८-२-८ मा निर्णय भै सोही बमोजिम सम्माननीय प्रधानमन्त्रीज्यूबाट सिफारिस भएकोले उक्त सिफारिस बमोजिम वर्तमान् प्रतिनिधि सभा विघटन गरी अर्को प्रतिनिधि सभाको पहिलो चरणको निर्वाचन संवत् २०७८ साल कार्तिक २६ गते शुक्रबार र दोस्रो चरणको निर्वाचन संवत् २०७८ साल मङ्सीर ३ गते शुक्रबार सम्पन्न गर्नेगरी निर्वाचनको मिति तोक्नुभएको छ ।

यी समाचार पनि हेराैँ-

• सरकार गठनका लागि गरिएका दुबै दाबी राष्ट्रपतिद्वारा खारेज
• राष्ट्रपति भण्डारीद्वारा मध्यरातमा प्रतिनिधिसभा विघटन,कात्तिक २६ र मंसिर ३ मा मध्यावधि चुनाव घाेषणा
• प्रधानमन्त्रीमा दुईवटा दाबीपछि राष्ट्रपतिको जवाफ-‘परामर्शबाट निर्णय लिन्छु’ 
• प्रधानमन्त्रीमा ओलीको दाबी पेश,१५३ सांसदको आफूलाई समर्थन रहेको जिकिर
• प्रधानमन्त्री ओलीले भने-‘ मलाई समर्थन गर्नुस्,प्रतिनिधिसभालाई जोगाऔँ ’
• देउवालाई प्रधानमन्त्री बनाउन १४९ जना सांसदको हस्ताक्षर,नयाँ सरकार बनाउन१३६ जरूरी
• प्रचण्ड-नेपाल-उपेन्द्र पुगे देउवा निवास बुढानिलकण्ठ,नयाँ सरकार गठनबारे छलफल
• शान्ति समाजले भन्याे-‘राष्ट्रपतिको कदम षडयन्त्रपूर्ण,प्रधानमन्त्रीको नियत सन्देहास्पद र आपत्तिजनक’
• काँग्रेसले भन्यो–राष्ट्रपतिको विज्ञप्ति नेपालको संविधान विपरीत
• संविधान समाप्त गर्ने राष्ट्रपतिको यो कदम कदापि क्षम्य हुन सक्दैन : डा‌.शेखर कोइराला

नागरिक अनलाइन

लेखकबाट थप

• शनिवार, जेठ ८ २०७८०८:२३:०८

• Tags:

  # मध्यावधि चुनाव # कात्तिक २६ र मंसिर ३ मा मध्यावधि चुनाव # प्रतिनिधिसभा विघटन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा