बुटवल,पुस ६ ।

नेपाली कांग्रेस संसदीय दलको नेतामा ६४ मतले शेरबहादुर देउवा विजयी भएका छन् । उनका प्रतिस्पर्धी गगन थापाले २५ मत ल्याएका छन् ।

कांग्रेस संसदीय दलमा ८९ सांसद छन् । बुधबार बिहान ८ देखि १० बजेसम्म सिंहदरबारस्थित संसदीय दलको कार्यालयमा मतदान भएको थियो । 

थापालाई शेखर कोइराला, उपाध्यक्ष धनराज गुरुङ, महामन्त्री विश्वप्रकाश शर्मा, युवा नेता प्रदीप पौडेललगायतको समर्थन थियो भने देउवालाई उपसभापति पूर्णबहादुर खड्का, रामचन्द्र पौडेल, प्रकाशमान सिंहलगायतको समर्थन थियो ।

दलको नेता चुनिन ५० प्रतिशत मत कटाउनुपर्ने थियो । यसअनुसार दलको नेता बन्न ४५ सांसदको समर्थन आवश्यक थियो । देउवाले पहिलो चरणमै ५० प्रतिशतभन्दा बढी मत प्राप्त गरेका छन् ।

कांग्रेसको विधानको दफा ४० मा संसदीय दलसम्बन्धी व्यवस्था छ । उपदफा २ मा संसदीय दलमा प्रतिनिधिसभाका सदस्यहरूले आफूमध्येबाट संसदीय दलको नेताको निर्वाचन गर्ने उल्लेख छ ।

पराजित भएपछि गगनले भने- प्रधानमन्त्रीमा आलोपालो र राष्ट्रपतिबारे संस्थागत निर्णय हुनुपर्छ

कांग्रेस महामन्त्री गगनकुमार थापाले प्रधानमन्त्रीमा आलोपालोबारे बन्दकोठामा गरिने निर्णय व्यक्तिगत हुने बताएका छन् । निर्वाचन परिणाम सार्वजनिक भएपछि थापाले पार्टीको निर्णयअनुसार आफ्नो नेतृत्वमा सरकार गठनका लागि संसदीय दलको नेताले पहल गर्ने बताए ।

साथै उनले पार्टीमा संस्थागत रुपमा छलफल नगरी राष्ट्रपति पद तथा प्रधानमन्त्रीमा आलोपालोबारे निर्णय नगर्न सचेत गराएका छन् । ‘कुनै पनि अर्को पार्टीसँग सरकार चलाउने सन्दर्भमा आलोपालो गर्ने भनेर कुनै समझदारी गर्छ भने संस्थागत रुपमा भएको छ भने कांग्रेसले बोक्छ,’ उनले भने, ‘होइन योभन्दा अगाडिका समयहरुमा जस्ता आलोपालो गर्ने बन्द कोठामा नेताहरु बसेर गर्नुहुन्छ भने त्यसलाई नेपाली कांग्रेसले बोक्दैन । भोलि नेपाली कांग्रेसले धोका दियो भन्न पाउनु हुन्न ।’

• कांग्रेस संसदीय दलको नेतामा ६४ मतसहित देउवा विजयी,गगनले पाए २५ मत
• कांग्रेस संसदीय दलको नेतामा देउवाविरुद्ध महामन्त्री गगनको उम्मेदवारी
• पुस्तान्तरणसहित रुपान्तरणको पक्षमा रहेकाले गगनलाई प्रस्ताव गरें : डा.शेखर कोइराला
• कांग्रेस संसदीय दलको नेतामा गगन थापाको उम्मेदवारी दर्ता
• प्रदीप पौडेलले छाडे देउवा समूह,बने गगनको समर्थक
• नेविसंघबाट राजनीतिमा उदाएका गगनकुमार थापा,बन्लान् प्रधानमन्त्री ?
• नेपाली कांग्रेसको संसदीय दलको निर्वाचनको लागि मतदान सुरु
• कांग्रेस संसदीय दलको नेतामा देउवा भर्सेस गगन,मनोनयन दर्ता !
• देउवालाई उम्मेदवारी फिर्ता लिन गगनको आग्रह
• कांग्रेसको संसदीय दलको निर्वाचन हुँदै,आज बिहान १० बजेसम्म मतदान

कल्पना डुम्रे

लेखकबाट थप

• बुधवार, पौष ६ २०७९११:०९:१६

• Tags:

  # देउवा विजयी # गगन थापा

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन