काठमाडौँ,पुस ५ ।

नेपाली कांग्रेस संसदीय दलको नेताको निर्वाचनमा काठमाडौं–५ बाट निर्वाचित सांसद प्रदीप पौडेल महामन्त्री गगन थापाको पक्षमा खुलेका छन् ।

पौडेल यसअघि पार्टीको १४ औँ महाधिवेशनमा सभापति शेरबहादुर देउवाको टिमबाट महामन्त्रीको उम्मेदवार थिए । दलको नेताको निर्वाचनमा भने उनी महामन्त्री थापाको समर्थक बसेका छन् । १३ औँ महाधिवेशनमा भने पौडेल र थापा दुवै जना नेता कृष्णप्रसाद सिटौलासँग उभिएका थिए ।

कांग्रेस संसदीय दलको नेतामा सभापति देउवा र महामन्त्री थापाबीच प्रतिस्पर्धा हुने भएको छ । पाँचौ पटक सभापति रहेका देउवा छैटौँ पटक प्रधानमन्त्री बन्न पार्टीको संसदीय दलको नेताको चुनाव लड्दैछन् । महामन्त्री थापा भने पहिलो पटक संसदीय दलको नेतामा प्रतिस्पर्धा गर्दैछन् । ४६ वर्षे थापा देउवाभन्दा ३० वर्ष कान्छा छन् ।

महाधिवेशनमा पुस्तान्तरण र रुपान्तरणको पक्षमा जनमत लिएर लोकप्रिय मतसहित महामन्त्री बनेका थापाले ६ महिनाअघि देखि नै मुलुकको कार्यकारी प्रधानमन्त्री भएर गर्नुपर्ने कामबारे छलफल, परामर्श र पूर्वतयारी गरेका छन् । देउवा र थापाबीचको प्रतिस्पर्धाले पार्टी र राष्ट्रिय राजनीतिमा परिवर्तन चाहने र परिवर्तन नचाहनेहरूको ध्रुवीकरण हुने देखिएको छ ।

संसदीय दलको नेता चयनमा कांग्रेसबाट निर्वाचित भएका सांसदहरू मतदाता हुन्छन् । यसपटक ८९ जना सांसद छन् । यसअनुसार संसदीय दलको नेता बन्न ४५ सांसदको समर्थन जुटाउनुपर्ने हुन्छ ।

• कांग्रेस संसदीय दलको नेतामा देउवाविरुद्ध महामन्त्री गगनको उम्मेदवारी
• पुस्तान्तरणसहित रुपान्तरणको पक्षमा रहेकाले गगनलाई प्रस्ताव गरें : डा.शेखर कोइराला
• कांग्रेस संसदीय दलको नेतामा गगन थापाको उम्मेदवारी दर्ता
• प्रदीप पौडेलले छाडे देउवा समूह,बने गगनको समर्थक

नागरिक अनलाइन

लेखकबाट थप

• मंगलवार, पौष ५ २०७९०४:२८:४८

• Tags:

  # गगन थापा

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन