बुटवल,असार १।

लुम्बिनी प्रदेशकी स्वास्थ्य राज्यमन्त्री विमला कुमारी खत्री वलीलाई मुख्यमन्त्री कुलप्रसाद केसीले संरक्षण दिएका छन् ।

प्रहरीबाट छुटाएर मुख्यमन्त्री केसीले अभियुक्त वलीलाई आफ्नै निवासमा राखेका छन् । मुद्दाको किनारा नलाग्दै अभियुक्त वलीलाई संरक्षण दिएपछि मुख्यमन्त्रीको आलोचना हुन थालेको छ । प्रहरी हिरासतमा रहेकी वलीलाई गएराति दाङबाट बुटवल ल्याइएको थियो । प्रहरी स्रोतका अनुसार उनलाई प्रहरी सुरक्षाका साथ रातारात बुटवलस्थित मुख्यमन्त्री केसीको निवासमा ल्याइएको हो ।

अहिले विमला वली मुख्यमन्त्री निवासमै छन् । आफू अस्वस्थ भएको बताएकाले उनको स्वास्थ्य परीक्षण गर्ने तयारी गरिएको मुख्यमन्त्री कार्यालय स्रोतले जानकारी दिएको छ ।

कुटपिटमा परेकी पीडित मीना भण्डारी बस्नेतले मन्त्री वलीविरुद्ध मंगलबार दाङमै किटानी जाहेरी दिएकी थिइन् । किटानी जाहेरी परेपछि मुख्यमन्त्री केसीले दाङका प्रहरी प्रमुख र प्रमुख जिल्ला अधिकारीलाई बारम्बार फोन गरी हिरासतबाट छुटाएर बुटवल ल्याउन दवाव दिएका थिए । मुख्यमन्त्रीको दवाबपछि वलीलाई प्रहरी हिरासतबाट छुटाएर बुटवल ल्याइ मुख्यमन्त्री निवासमा राखिएको हो ।

मंगलबार बिहान करिब ८ बजे अंगरक्षकसहित झण्डावाला गाडी लिएर दाङ तुलसीपुर उपमहानगरपालिका–५ आलुमण्डीस्थित एकराज बस्नेतको घरमा प्रवेश गरी उनकी पत्नी मीना र नावालिक छोरीलाई कुटपिट गरेपछि प्रहरीले राज्यमन्त्री वलीलाई नियन्त्रणमा लिएको थियो ।

राज्यमन्त्री वलीले आफ्नो फोटो सामाजिक सञ्जालमा सार्वजनिक गरिएको तथा पैसासमेत नदिएकोले आवेगमा आएर बस्नेतको घर पुगेको प्रहरीसमक्ष बताएको दाङका प्रहरी प्रमुख प्रहरी उपरीक्षक सुरेश काफ्लेले बताए ।

पीडित मीनाले वलीविरुद्ध उजुरी दिए पनि दर्ता भएको छैन । हदम्याद भित्र प्रहरीले उजुरी दर्ता गर्ने प्रहरी स्रोतले बताएको छ । बहालवाला मन्त्रीलाई पक्राउ गर्न र थुन्न पाउने कानुन नभएकाले दर्ता नभएको प्रहरीको दावी छ । “ब्यवस्थापिका संसद चलिरहँदा सभामुखको पत्र वा आदेशबिना हामीले केही गर्न सक्ने अवस्था रहँदैन”–एक प्रहरी अधिकारीले भने ।

• लुम्बिनीकी स्वास्थ राज्यमन्त्री विमला वली प्रहरी नियन्त्रणमा,महिलामाथि हातपात गरेको आरोप
• जाहेरी परेपछि राज्यमन्त्री विमला वली प्रहरी थानामै, प्रेमी बस्नेतको खोजी !
• लुम्बिनीकी राज्यमन्त्री विमला वलीलाई प्रहरीबाट छुटाएर मुख्यमन्त्री निवासमै संरक्षण !

बिवादित विमलाका बिगतका यी खबरहरु पनि हेराैँ :- 

• ‘सम्पर्कविहीन’ भनिएकी प्रदेश सांसद बिमला वली मुख्यमन्त्री पाेखरेलको निवासमा ‘बन्धक’ !
• ‘बन्धक’ बनाइएकी लुम्बिनीकी सांसद बिमला माओवादी केन्द्रको सम्पर्कमा,आज अवस्था सार्वजनिक गरिँदै
• विमला खत्रीले भनिन्- मैले आफ्नै इच्छा/चाहानाले माओवादी राेजेँ,अपहरण भनेर हल्ला चलाइँएछ’ 
• दाङबाट उपचुनाव जितेकी सांसद बिमला वली माओवादीमा प्रवेश,मुख्यमन्त्री पोखरेलको बहुमत गुम्यो ! [पत्रसहित]
• सांसद बिमलाओलीको बिज्ञप्ती :‘ माओवादी रोज्ने कुरा कानुनी रूपमा ठिक नभएकोले एमालेमै छु’
• सांसद विमला वलीको बयान :‘मुख्यमन्त्री निवासमा ५ दिन बन्धक बनाइयो,शौचालयको चप्पलमै भागें’

नागरिक अनलाइन

लेखकबाट थप

• बुधवार, आषाढ १ २०७९११:०८:११

• Tags:

  # विमला वली # सांसद विमला वली

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन