बुटवल,जेठ २९ ।
बुटवलमा मुलुककै आधुनिक एकिकृत कृषि उपज थोक बजार केन्द्र निर्माण हुने भएको छ । बुटवल १५ मा केन्द्र बनाइनेछ प्रस्तावित जग्गामा स्थानीयले सहमति जनाइसकेका छन् । जग्गा प्राप्तिमा सर्वदलीय–सर्वपक्षीय र वन समितिको पनि सहमति जुटेसँगै सो  आयोजनामा नेदरल्याण्डको दातृ निकायलाई लगानी गर्ने बाटो खुलेको छ ।

स्वदेशमा उत्पादित कृषि उपज निर्यात र बिचौलिया रोक्ने योजनासहित बुटवल उपमहानगरपालिका वडा नम्बर १५ क्षेत्रमा जग्गा पहिचानको काम टुंगिएको हो । यो मुलुककै सबैभन्दा ठूलो र आधुनिक केन्द्र हुनेछ ।  यसको लागत करिब २ अर्ब ३ करोड हुनेछ ।केन्द्रमा कृषि उपज संकलन, प्रशोधन, बिक्री वितरण र भण्डारण हुनेछ ।  ‘यो आधुनिक कृषि उपज केन्द्र हो, यहाँ चिस्यान केन्द्रदेखि फोहोर प्रशोधन गर्दै कम्पोस्ट मल बनाउने पूर्वाधारसमेत बन्नेछन्’, ।

दातृ निकाय र कृषि मन्त्रालयको दबावपछि बुटवल–१५ का वडाध्यक्ष शिव रानाले सर्वदलीय–सर्वपक्षीय भेलाबाट परियोजनालाई कर्साघाटको उत्तर–पूर्व तर्फको १८.७३ हेक्टर क्षेत्रफल रहेको जग्गा दिने सहमति जुटाएर वडाले निर्णय सहितको फाइल उपमहानगरपालिका नगरप्रमुख खेलराज पाण्डेयलाई बुझाएको बताए ।

वडाध्यक्ष रानाले भने, ‘यो परियोजना गौरवको आयोजना हो,यो कार्यान्वयनमा आउँदा स्थानीयलाई योग्यताका आधारमा रोजगारीमा प्राथमिकता दिनुपर्ने सुझाव आएको छ,यसलाइ सबैले स्वीकारेका छौं ।’कृषि उपज केन्द्रमा छुट्टै क्वारेन्टाइनको व्यवस्था हुनेछ । जसले उत्पादित वस्तु विदेश पठाउन सिफारिस दिनेछ । केन्द्रभित्र विभिन्न ६ वटा गोदाम घर बन्नेछन् ।

एक लाख मेट्रिक टन क्षमताको खाद्यान्न बालीको गोदाम रहनेछ । ५० हजार टन क्षमताको तरकारी, पशुपन्छी, फलफूलसम्बन्धी वैज्ञानिक प्रविधिसहित गोदाम घर बन्नेछ। यसबाहेक खाद्य, तरकारी, फलफूल राख्न शीतभण्डार गृह, तिनको गुणस्तर निर्धारण गर्ने प्रयोगशाला, बायोग्यास उत्पादन केन्द्र, फोहोर प्रशोधन केन्द्र र बिउ भण्डार गृह निर्माण गरिने र  पशुजन्य उत्पादन बिक्रीका लागि छुट्टै क्वारेन्टाइन भवन बनाइने छ ।

बुटवलको पुरानो बसपार्कमा रहेको कृषि थोक बजार केन्द्र साँघुरो भएकाले बुटवलको वडा नंं. १५ कर्साघाटमा संघीय सरकारको कृषि मन्त्रालयले एकीकृत थोक कृषि बजार बनाउने प्रक्रिया अघि बढाएको कृषि मन्त्रालयका सचिव डा. गोविन्द्र प्रसाद शर्माले बताए ।

बुटवल नगर प्रमुख पाण्डेयले गौरवको आयोजना निर्माण गरिने र यसलाइ सफल बनाउंदा बुटवलको आर्थिक विकासमा कोशेढुंगा सावित हुने बताउछन् । यसले लुम्बिनी प्रदेश मात्रै भएर गण्डकी लुम्बिनी बागमती कर्णाली प्रदेशका कृषक समेत लाभान्वित हुने नगरप्रमुख पाण्डेयले बताए ।

सरकारी निकायबाट सोजग्गा लिजमा लिने प्रकृया पूरा गरेर वातावरणीय प्रभाव मूल्यांकन र विस्तृत परियोजना प्रतिवेदन डीपीआरको काम अघि बढाइने उपमहानगरपालिकाका प्रमुख प्रशासकीय अधिकृत वीरेन्द्रदेव भारतीले जानकारी दिए । कृषि मण्डी बन्ने भएपछि यसक्षेत्रका किसानहरु खुसीले हौसिएका छन् ।

आधुनिक कृषि उपज थोक बजार बनाउन जग्गाको टुंगो लगाउंदै बुटवल उपमहानगर (भिडिओ)

कल्पना डुम्रे

लेखकबाट थप

• आइतवार, जेठ २९ २०७९०५:५३:१४

• Tags:

  # कृषि उपज केन्द्र

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान