शनिवार, जेठ १४ २०७९

आधुनिक कृषि उपज थोक बजार बनाउन जग्गाको टुंगो लगाउंदै बुटवल उपमहानगर (भिडिओ)

नागरिक अनलाइन

3.7K

आधुनिक कृषि उपज थोक बजार बनाउन जग्गाको टुंगो लगाउंदै बुटवल उपमहानगर (भिडिओ)

बुटवल,जेठ १४ ।

बुटवलको कर्साघाटमा आधुनिक प्रविधियुक्त कृषि उपज थोक बजार निर्माणको लागि बुटवल उपमहानगरपालिकाले जग्गा ब्यवस्थापन गर्ने भएको छ ।

सरकारले आर्थिक वर्ष २०७८–७९ मा कर्साघाटमा कृषि उपज थोक बजार निर्माणको लागि बजेट छुट्टाए पनि जग्गा प्राप्ती हुन नसक्दा निर्माण कार्य सुरु भएन । कृषि उपज संकलन, प्रशोधन तथा ब्राण्डिङ्ग गरी स्वेदेशी तथा विदेशी बजारमा विक्री वितरण गर्ने उदेश्य सहित नेदल्याण्ड सरकारको अनुदानमा निर्माण हुने बजार निर्माणको लागि बुटवलको वडा नं. १५ र १६ को कर्साघाटमा जग्गाको ब्यवस्थापन गरिने भएको हो ।

यसको लागि उपमहानगरपालिकाका मेयर खेलराज पाण्डेयले स्थानीयहरुको समन्वयनमा जग्गा ब्यवस्थापन गर्नको लागि वडा अध्यक्षहरुलाई निर्देशन दिनुभयो । शनिबार उपमहानगरपालिकाको कार्यालयमा कृषि पूर्वाधार विकास तथा कृषि यान्त्रीककरण प्रर्वद्धन केन्द्रले आयोजना गरेको परियोजनाको वर्तमान अवस्था र भावी कार्यक्रम सम्बन्धी बैठकमा बोल्दै पाण्डेयले यो परियोजना सफल पार्नको लागि सबै राजनीतिक दल, जनप्रतिनिधिहरुको साथमा अघि बढ्ने बताउनुभयो ।

‘परियोजना सफल बनाउनेको लागि म आफै फोकल पर्सन बस्छु, परियोजना सफल बनाएर छाड्नुपर्छ,यसअघि बुटवलमा आएका एडिबिका परियोजना फिर्ता हुदा हामी लज्जीत बन्नुपर्यो,अब हामीले काम गर्छौैं ।’उहाले भन्नुभयो ।
पाण्डेयले परियोजना सफल बने लुम्बिनी प्रदेश कै कृषक र उपभोक्ताले लाभ लिन सक्ने बताउनुभयो । यस्तै उपमेयर सावित्रादेवि अर्यालले परियोजना सफल बनाउनको लागि राजनीतिक दल र स्थानीयहरुसँग समन्वय गरेर जग्गा प्राप्ती गर्नुपर्ने बताउनुभयो ।
नेपाल सरकारले नेदरल्याण्ड सरकारलाई आधुनिक प्रविधियुक्त कृषि उपच थोक बजार निर्माणको लागि अनुरोध गरेपछि सन् २०१९ डिसेम्बर १७ मा पहिलो र दोश्रो चरणको सम्भाब्यता अध्ययनको लागि अनुदान सम्झौंता भएको थियो । अहिले सम्भावना अध्ययन कार्य सकिएर गुरु योजना समेत तयार भएको छ ।

सरकारले आर्थिक वर्ष २०७८–७९ को बजेट मार्फत बजार निर्माण कार्य सुरु गर्ने भने पनि जग्गा प्राप्ती नहुँदा निर्माण कार्य रोकिएको छ । पुस महिनासम्म जग्गा प्राप्ती नभए नेदरल्याण्ड सरकारले दिने अनुदान रोकिने छ । कृषि उपज बजार निर्माणको लागि २ अर्ब २ करोड ४४ लाख बजेट लाग्ने विस्तृत परियोजना प्रतिवेदन (डिपिआर) मा उल्लेख गरिएको छ ।

सरोकारवालाबिचको छलफलमा कृषि तथा पशुपन्छी विकास मन्त्रालयका सचिव गोबिन्द शर्मा आचार्य,वडा न १२ का वडाध्यक्ष डिल्ली शर्मा आचार्य,१३ का अध्यक्ष नारायण पुन,१५ का अध्यक्ष शिव राना लगायतले बोल्दै परियोजना संचालनका लागि कृषी केन्द्र वरिपरिका स्थानीय नागरिकसंग समझदारी गर्ने बताउनुभएको थियो ।

परियोजना निर्माणको लागि प्रस्ताव गरिएको कर्साघाट ठुलो क्षेत्र, बाढीको प्रकोप कम ,सडक पहुँच र जमिनको सतह र आकार मिलेकाले उपयुक्त हुने अपेक्षा गरिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)