बुटवल,पुस ११ ।

नेकपा माओवादी केन्द्रको आठौँ राष्ट्रिय महाधिवेशन उद्घाटन समारोह सुरु भएको छ । राजधानीको कमलादीमा सो पार्टीको महाधिवेशन उद्घाटन समारोह सुरु भएको हो ।

माओवादीले यसअघि राष्ट्रिय सम्मेलन भने पनि अन्तिम समयमा आएर सम्मेलनलाई महाधिवेशनमा परिणत गरेको हो ।महाधिवेशनले केन्द्रीय कमिटीसहित पदाधिकारी र नयाँ नेतृत्व चयन गर्नेछ । माओवादीको पदाधिकारी १५ सदस्य रहने प्रस्ताव गरिएको छ । जसमा १ अध्यक्ष, १ वरिष्ठ उपाध्यक्ष तथा ६ उपाध्यक्ष, एक महासचिव, दुई उपमहासचिव, ३ सचिव र १ कोषाध्यक्ष रहनेछन् ।

यस्तै केन्द्रीय सदस्य २९९ सदस्यीय रहने भनिए पनि केही सङ्ख्या बढाउन आइतबार बसेको केन्द्रीय कमिटी कमिटी बैठकले प्रस्ताव गरेको प्रवक्ता कृष्ण बहादुर महराले जानकारी दिए । 

नेपालको संविधानमा नै उल्लेख गरिएको समाजवाद उन्मुख भन्ने प्रावधानलाई समेट्ने गरी नयाँ वैचारिक राजनीतिक कार्यदिशा र योजना समेत तय गर्ने माओवादीले स्पष्ट पारेको छ ।  महाधिवेशनमा देशभरका सातवटै प्रदेश र तीनवटा गैर भौगोलिक प्रदेशका प्रतिनिधि तथा पर्यवेक्षण सहभागी भएका छन्  ।

५ दिनसम्म चल्ने महाधिवेशनमा अध्यक्ष प्रचण्डको राजनीतिक प्रतिवेदन, विधानलगायतका लिखित दस्ताबेज पेस हुनेछन् । ती प्रतिवेदनमाथि विभिन्न २० वटा समूह बनाएर छलफल गर्ने कार्यक्रम तयार भएको छ । त्यसमा आवश्यकताअनुसार केही परिवर्तन पनि हुन सक्नेछ । माओवादीले प्रज्ञा प्रतिष्ठानका सबै हल र पार्टी केन्द्रीय कार्यालय पेरिसडाँडामा सामूहिक छलफलको व्यवस्था मिलाएको छ ।

उद्घाटनसत्र सकिए लगत्तै राजनीतिक प्रतिवेदन, विधानमाथि छलफल सुरु हुनेछ । 

सम्मेलनमा कूल एक हजार ६३१ को प्रतिनिधित्व रहेको छ । नियमित प्रक्रियाबाट छानिएका एक हजार ४८३ र मनोनीत १४८ गरी कूल एक हजार ६३१ को सहभागिता रहेको माओवादीको भनाइ छ । 

यी पनि पढाैँ:-

सीपी गजुरेलले भने-‘जनयुद्ध सुरु गर्नुपूर्व गरिएको प्रतिबद्धता पुनः स्मरण हाेस् ’

विचार मात्र होइन राष्ट्रियता बलियो बनाउँ : राप्रपा महामन्त्री कुन्ती शाही

वामपन्थी आन्दोलन गलत दिशामा गएको एमाले महासचिव पाेखरेलको स्वीकाराेक्ति

राजनीतिक उपलब्धी रक्षाका लागि संविधान संशोधन आवश्यक : उपेन्द्र यादव

माधव नेपालको प्रश्न : नेताहरु नियम,कानून, विधि र विधानमा बाँधिनु पर्दैन ?

एमसीसीको विरोध गर्नेहरुलाई देउवाको प्रश्न : ‘म राष्ट्रको खिलाफमा जाउँला ?’

प्रचण्डले भने–एमसीसीबारे प्रधानमन्त्री देउवाले दिएको विचार व्यक्तिगत

नेकपा माओवादी केन्द्रको आठौँ राष्ट्रिय महाधिवेशन काठमाडाैँमा उद्घाटन

नागरिक अनलाइन

लेखकबाट थप

• आइतवार, पौष ११ २०७८०५:०७:२०

• Tags:

  # नेकपा माओवादी केन्द्र # आठौं राष्ट्रिय महाधिवेशन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा