बुटवल,भदौ १३ ।

ढुंगासहितखसेको लेदोले बुटवलका १२ घरमा क्षति पुगेको छ । १९ घर जोखिममा परेका छन्। बुटवल उपमहानगरपालिका वडा नम्बर-३ ज्योतीनगरमा पहिरोले दर्जन घरमा क्षति पुर्‍याएको हाे। २०५५ सालमा पहिरो गएको स्थानमा पुनः पहिरो खसेको हो।

पहिरोले बुटवलको गोलपार्कदेखी लक्ष्मीनगर जाने रिङरोडमा क्षति पुगेको छ। आइतबार बिहान ५ बजे चुरेबाट खसेको पहिरोले खिम क्षेत्री लगायत एकदर्जन स्थानीयको घरमा क्षति पुगेको छ। उनले आफूहरू सुतिरहेका बेला ढुंगासहितको लेदो आएपछि भागेर ज्यान बचाएको बताए।

स्थानीयका अनुसार तीन घरमा पहिरो पसेको छ। पहिरो आएको चाडै थाहा पाएकाले मानवीय क्षति हुन नपाएको स्थानीयले बताएका छन्। यहि भदौ १० गते उक्त वस्तीमाथिको चुरेमा पहिरो गएपछि स्थानीयहरू सावधानी अपनाउँदै आएका थिए।पहिरो गएपछि स्थानीयले क्षति पुगेका घरका सरसामान सार्ने काम गरिरहेका छन्। 

बुटवलको वडा नम्बर ३ र ४ माथि रहेको चुरेमा २ वटा ठूला पहिरो खसेको छ। सोही ठाउँमा २०५५ सालमा पनि पहिरो खस्दा ५ दर्जन घरमा क्षति पुगेको थियो।

बुटवलको गोलपार्क-लक्ष्मीनगर रिङरोड ढुंगासहितखसेको लेदोले अवरूद्ध (फाेटाेफिचर)

बुटवलको ज्योतीनगरमा ढुंगासहितको लेदोले १२ घरमा क्षति,१९ घर जोखिममा

नागरिक अनलाइन

लेखकबाट थप

• आइतवार, भाद्र १३ २०७८०३:४०:११

• Tags:

  # पहिरो खस्यो # ज्योतीनगरमा पहिरो # बुटवलमा पहिराे

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...