बुटवल,भदौ २१।

भैरहवामा पाँच करोड रुपैयाँको लगानीमा ‘साँवरिया’ सञ्चालनमा आएको छ । सिद्धार्थनगर नगरपालिका वडा नम्बर ७ स्थित आवारोडमा ‘एजी कृष्ण फुड प्रोडक्टस प्रा.लि.’ अन्तर्गत ‘साँवरिया’ ब्राण्ड सञ्चालनमा आएको बिहीबार सञ्चालकले पत्रकार सम्मेलन गरी जानकारी गराएका छन् ।

‘साँवरिया’ भदौ २४ गते आइतबार उद्घाटन गरिने सञ्चालक अरुण कुमार अग्रवालले बताए । ‘साँवरिया’ एजी कृष्ण फुड प्रोडक्टस प्रा.लि.को पहिलो व्यवसायिक प्रतिष्ठान भएको उनले बताए ।

भारत लगायत विभिन्न मुलुकबाट बुद्ध जन्मस्थलसँगै लुम्बिनी प्रदेशका विभिन्न आध्यात्मिक धाम घुम्त आउने पर्यटक लक्षित गरेर शुद्ध साकाहारी र जैन परिकार उपलब्ध गराउन ‘एजी कृष्ण फुड प्रोडक्टस प्रा.लि.’ अन्तर्गत ‘साँवरिया’ ब्राण्ड प्रस्तुत गरिएको अग्रवालले बताए ।

अग्रवालका अनुसार आकर्षक सजावट र ग्राहकको सुविधालाई मध्यनजर गरेर सञ्चालनमा ल्याइएको यो व्यवसायिक प्रतिष्ठानमा विभिन्न प्रकारका उच्च गुणस्तरका मिठाई, प्रभातकालीन नास्ता, दिउँसोको खाजा उपलब्ध रहेका छन् ।

‘साँवरिया’ अरुण अग्रवालसहित कृष्णप्रसाद शर्मा (सानु), ज्ञानेन्द्र कार्की, गौरव दारुका र आदर्श अग्रवालको व्यवसायिक साझेदारी रहेको छ ।पूर्ण वातानुकूलित साँवरियामा एकैपटक १३० जनालाई सेवा प्रदान गर्ने व्यवस्था मिलाइएको अग्रवालले बताए ।

‘साँवरिया’ले आगामी दिनमा पारिवारिक र संघ–संस्थाले आयोजना गर्ने भोजमा क्याटरिङ सुविधा उपलब्ध गराउने उनले बताए । यहाँ उपलब्ध सम्पूर्ण मिठाईका परिकारको ‘होम डेलिभरी’ सुविधा थप गरिने समेत अग्रवालले जानकारी दिए ।

नाफामुलक भन्दा सेवा भावनाले यसको सुरुवात गरिएकाले आगामी दिनमा सामाजिक सुरक्षा दायित्वमार्फत मुनाफाको निश्चित प्रतिशत रकम सामाजिक कार्यमा खर्च गरिने उनले बताए । 

नागरिक अनलाइन

लेखकबाट थप

• बिहिवार, भाद्र २१ २०८००७:४७:००

• Tags:

  # ‘साँवरिया’ # ‘एजी कृष्ण फुड प्रोडक्टस प्रा.लि.’

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी