मंगलवार, श्रावण २३ २०८०

भैरहवामा सुजुकीको जिम्नी र फ्रोन्क्स सार्वजनिक,मुल्य ५९ लाख ९९ हजार

नागरिक अनलाइन

1.2K

भैरहवामा सुजुकीको जिम्नी र फ्रोन्क्स सार्वजनिक,मुल्य ५९ लाख ९९ हजार

बुटवल,साउन २३ ।

सुजुकी एसयूभीको नयाँ संस्करण जिम्नी र फ्रोन्क्स भैरहवामा सार्वजनिक (लन्च) गरिएको छ ।

पाठक मोटर्स गु्रप प्रा.लि. तिलोत्तमा–५ मणिग्राम, रुपन्देहीले सुजुकीको नयाँ संस्करण सार्वजनिक गरेको हो । नयाँ संस्करणको सिद्धार्थनगर नगरपालिकाका प्रमुख इश्तियाक अहमद खान, सिजी होल्डीङका डिलर इञ्चार्ज विशाल दाहाल र पाठक मोटर गु्रका प्रबन्ध निर्देशक अभिषेक पाठकले संयुक्त सार्वजनिक रुपमा गरे ।

नेपालका लागि सुजुकी ब्राण्ड चारपांग्रे सवारीसाधनको आधिकारिक वितरक सिजी होल्डिङ अन्तर्गतको अटोमोटिभ डिभिजन सिजी मोटरक्याप तथा सिजी एनएक्सटिजिइएनले एसयूभीहरु असार २९ गतेदेखि नै बुकिङ खुल्ला गरेको थियो ।

सुजुकी जिम्नीको सुरुवाती मूल्य रु. ५९ लाख ९९ हजार रहेको छ । त्यस्तै फ्रोन्क्सको सुरुवाती मूल्य रु. ३९ लाख ९९ हजार रहेको पाठक ग्रुपका निर्देशक अभिषेक पाठकले जानकारी दिए । सुजुकी जिम्नी नेपाल र अन्तर्राष्ट्रिय बजारमा सबैभन्दा प्रतिक्षित कारमध्ये एक रहेको उनले दावी गरे । यो मोडेलको माग विश्वभरी नै निकै रुचाइएको उनले बताए ।

सुजुकी जिम्नी अल्टिमेट अफ रोड एसयूभी भएको जुन हेभी–ड्युटील्याडर फ्रेम चेसिसमा निर्मित रहेको र यसमा पर्याप्त बडीएंगल र ग्राउण्ड क्लियरेन्सको साथ डिजाइन गरिएको पाठक मोटर ग्रुपकी म्यानेजर सर्जुना थैवले जानकारी दिइन् ।

उनले भनिन्, ‘यो एसयूभी एक समर्पित उन्नत फोर डब्ल्यूडी प्रणाली, अल ग्रिप प्रोसँग आउँछ भने ब्रेक लिमिटेड स्लिपडिफरेशियन र थ्री लिंक राइडिङ एक्सेल सस्पेन्सन जस्ताअफ–रोड सुविधाहरू समावेश गरिएको छ ।’

अफ–रोडबाटोको लागि उत्तम हुने गरी डिजाइन र निर्मित जिम्नीले २२ दशमलव ६८ सेमी स्मार्टप्ले प्रो इन्फोटेनमेन्ट सिस्टम, एयरब्याग, इलेक्ट्रोनिक स्टेबिलिटीकन्ट्रोल अटो टेम्परेचर कन्ट्रोल, हिनडिसेन्टकन्ट्रोल जस्ता धेरै आधुनिक आरामदायी र सुरक्षित सुविधाहरू समावेश गरेको कम्पनीले बताएको छ ।

पाठक मोटर्स गु्ररुप प्रा.लिका अनुसार नयाँ सुजुकी फ्रोन्स नयाँ जेनेरेसनको स्टाइल प्रिमियम सेभेन मिश्रित एसयूभी हो । द फेस अफ न्यु एसयूभी भनिएको सुजुकी फ्रोन्क्स निकै आकर्षक र स्पोर्टी देखिनुका साथै यसमा रहेको अत्याधुनिक प्रविधिहरुले आरामदायी र सुरक्षित अनुभुति प्रदान गर्ने कम्पनीको दावी छ ।

कार्यक्रममा बोल्दै सिद्धार्थनगर नगरपालिकाका प्रमुख इश्तियाक अहमद खानले पाठक मोटर गु्रपले धेरै राम्रो काम गरेको बताए । उनले सुजुकीको गाडी राम्रो र प्रभावकारी रहेको बताए । उनले भने, ‘गौतमबुद्ध अन्तर्राष्ट्रिय विमानस्थल पूर्ण रुपमा सञ्चालनमा आएपछि यहाँ चहलपहल बढ्छ ।’

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)