बुटवल,फागुन १६ ।

फलाम र फलामका उत्पादनको निर्यात व्यापार ४ सय प्रतिशतले बढेको छ । चालू आर्थिक वर्षको ७ महिनामा गत वर्षको सोही अवधिको तुलनामा फलाम तथा फलामका उत्पादनको निर्यातमा ४०२.५ प्रतिशतले बढेर ५ अर्ब ४६ करोड रुपैयाँ पुगेको व्यापार तथा निकासी प्रवर्धन केन्द्रले जनाएको छ ।

समीक्षा अवधिमा गत वर्ष १ अर्ब ८ करोड रुपैयाँका फलामका उत्पादन निर्यात भएको थियो । गत वर्षभरमा पनि जम्मा ३ अर्ब ८७ करोड रुपैयाँका मात्र फलामका उत्पादन निर्यात भएको केन्द्रको तथ्यांकले देखाउँछ ।

त्यस्तै अदुवाको निर्यात १६० प्रतिशतले बढेर ६६ करोड ९८ लाख रुपैयाँ पुगेको छ भने तामा र तामाबाट बनेका सामानको निर्यात १७८ प्रतिशतले बढेर ४५ करोड छढ लाख नाघेको छ ।

समीक्षा अवधिमा अलैँचीको निर्यात ८५ प्रतिशतले बढेर ४ अर्ब ८९ करोड, ऊनी गलैंचाको निर्यात २७ प्रतिशतले बढेर ६ अर्ब ४५ करोड र तयारी पोसाकको निर्यातमा १७.४ प्रतिशतले बढेर ४ अर्ब ३६ करोड रुपैयाँ पुगेको छ ।

नागरिक अनलाइन

लेखकबाट थप

• मंगलवार, फाल्गुण १६ २०७९०४:२१:४०

• Tags:

  # निर्यात व्यापार # फलाम

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी