कौरव खत्री/गुल्मी ७ पौष ।

गुल्मी मुसिकोटको ददल्का माध्यमिक विद्यालयलाई समाजसेवी खरेल परिवारद्धारा ३ लाखको अक्षयकोष स्थापना गर्नुभएको छ ।

मुसिकोट नगरपालिका वडा नं.९ ददल्का जन्म स्थान भई हाल चितवन र काठमाण्डौमा बसोबास गदै आउनु भएका समाजसेवी डिलाराम खरेल र उँहाका भाइहरु बावुराम खरेल र रामु खरेलले मुसिकोट नगरपालिका वडा नं. ९ ददल्का गुल्मी  स्थित रहेको ददल्का माध्यमिक विद्यालयका गरिव,जेहेन्दार एवम् लगनशील विद्यार्थीहरुलाई प्रदान गर्ने गरि ३ लाखको अक्षयकोष स्थापना गर्नुभएको हो ।

त्यस्तै ददल्का माध्यमिक विद्यालयका पूर्व विद्यार्थी एवम् माध्यमिक विद्यालयका सञ्चालनार्थ संस्थापक सदस्य रहनु भएका डिलाराम खरेल,बावुराम खरेल,रामु खरेलले हाल कर्म थलो जापानमा रहेर व्यवसाय गदै आउनु भएको छ ।

कार्यक्रममा मुसिकोट नगरपालिका वडा नं. ९का वडाअध्यक्ष भूमा गुरुङ्ग,समाजसेवी चन्दादाता डिलाराम खरेल,विद्यालयका प्रधानाध्यापक बुद्धिमणी खरेल,शिक्षाप्रेमी रामकृष्ण कंडेल लगायतले शुभकामना मन्तव्य राख्नु भएको थियो ।

कार्यक्रममा विद्यालय व्यवस्थापन समितिका पदाधिकारि,चन्दादाता,समाजसेवी, ,शिक्षाप्रेमी, अभिभावकहरु लगायतको उपस्थिति रहेको थियो ।

कार्यक्रम ददल्का माध्यमिक विद्यालयका विद्यालय व्यवस्थापन समितिका अध्यक्ष गंगाराम खरेलको अध्यक्षता विद्यालयका शिक्षक गोविन्द वि.क.को स्वागत मन्तव्यसँगै शुरु भएको कार्यक्रमको सञ्चालन भने विद्यालयका शिक्षक  कालिदास खरेलले गर्नु भएको थियो ।

नागरिक अनलाइन

लेखकबाट थप

• बिहिवार, पौष ७ २०७९०८:०३:४९

• Tags:

  # अक्षयकोष स्थापना # ददल्का मावि

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी