बुटवल,भदाै २८ ।

किसानले लगाएको धानखेतीमा समस्या देखिन थालेसंगै रुपन्देहीको तिलोत्तमा नगरपालिकाले बाली उपचार शिविर सञ्चालन गरेको छ । शिविरको उद्धाटन गर्दै नगरप्रमुख रामकृष्ण खाँणले किसानहरुले धानखेतीमा समस्या देखिएकोले शिविर सञ्चालन गरेको बताए ।

उनले किसानहरुले लगाएको धान पहेँलो हुने, कुहिने लगायतका समस्या देखिएको गुनासो आएसंगै रोगको पहिचान सहित उपचारको प्रवन्ध मिलाउनको लागि शिविर सञ्चालन गरिएको बताए । उनले यहाँ देखिएको समस्याको रिपोर्ट अुनसार नगरपालिकाले तत्काल केही व्यवस्थापन गर्ने प्रतिवद्धता समेत ब्यक्त गरे ।

राष्ट्रिय गहुबाली अनुसन्धान कार्यक्रमका कीट बैज्ञानिक बिनिता शर्माले यस क्षेत्रमा मिलिबग नामक किराको समस्या रहेको बताईन् ।

उनले यो रोगको कारणले धानको बिरुवा कमजोर हुने, गाँज हाल्न नसक्ने, पात डढ्ने, पहेँलो र कमजोर हुनेहुँदा यसको समाधानका उपायको बारेमा स्थानीयलाई बताएको बताईन् । उनले यो समस्यालाई यो वर्ष नै समाधान नगरे अर्को बाली तथा अर्को वर्ष समेत समस्या सिर्जना गर्ने बताईन् ।

यता किसानहरुले पनि मुख्य बाली धान खेतीगर्दा नै समस्या आउँदा जिविकोपार्जनमा समेत समस्या आएको बताएका थिए ।उनीहरुले सिचाँई तथा मलको उचित व्यवस्थापनमा स्थानीय सरकारले ध्यानदिनुपर्नेमा जोड दिएका थिए ।

तिलोत्तमा नगरपालिका १६ मा भएको बालि उपचार शिविरबाट २ सय बढि किसानहरुले लाभ लिएको तिलोत्तमा नगरपालिका कृषि शाखा प्रमुख दोमलाल भुसालले जानकारी दिए ।

नागरिक अनलाइन

लेखकबाट थप

• मंगलवार, भाद्र २८ २०७९०५:३५:०१

• Tags:

  # किसानलाइ राहत

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी