बुटवल,असार ८  ।

लुम्बिनी प्रदेशमा चालु आर्थिक वर्षको ११ महिना बितिसक्दा समेत विनियोजित बजेटको खर्च निरासाजनक अवस्थामा देखिएको छ । 

लुम्बिनी प्रदेशले चालु आर्थिक वर्षका लागि विनियोजित बजेटको ४५.३३ प्रतिशत बजेट खर्च गरेको छ । प्रदेशको लेखा नियन्त्रण कार्यालयका अनुसार जेठ मसान्तसम्म प्रदेशले चालु र पुँजीगत गरी कुल १८ अर्ब ४८ करोड ८१ लाख रुपैयाँ खर्च गरेको हो । चालुतर्फ ८ अर्ब ४३ करोड २१ लाख रुपैयाँ र पुँजीगततर्फ १० अर्ब १३ करोड ५३ लाख रुपैयाँ खर्च भएको प्रदेश लेखा नियन्त्रक कार्यालयले जनाएको छ ।

अन्य वित्तीय व्यवस्थापनतर्फ के–कति खर्च गरियो भन्ने रिपोर्टमा नदेखाएको प्रदेशले कुल बजेटको ४५.३३ प्रतिशत खर्च भएको जनाएको छ । चालु आर्थिक वर्षका लागि लुम्बिनी प्रदेशले कुल ४० अर्ब ९५ करोड ९७ लाख रुपैयाँ बजेट विनियोजन गरेको थियो ।

मुलुकका ७ मध्ये अधिकांश प्रदेशले विनियोजित बजेटको ५० प्रतिशत पनि खर्च कटाउन सकेका छैनन् ।

केही प्रदेशले चालु आर्थिक वर्षको विनियोजित बजेटको चालु र पुँजीगत गरी एकमुस्ट ३० प्रतिशत पनि खर्च कटाउन सकेका छैनन् । सम्बन्धित प्रदेश सरकारको अर्थ तथा योजना मन्त्रालय, प्रदेश लेखा नियन्त्रक कार्यालयले उपलब्ध गराएको तथ्याङ्क अनुसार जेठ मसान्तसम्ममा अधिकांश प्रदेश सरकारले चालु आर्थिक वर्षका लागि विनियोजित बजेटको ४० प्रतिशत पनि खर्च कटाउन सकेका छैनन् ।

नागरिक अनलाइन

लेखकबाट थप

• बुधवार, आषाढ ८ २०७९०८:४६:५०

• Tags:

  # बजेट खर्च # लुम्बिनी प्रदेश # लुम्बिनी प्रदेश सरकार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा