बुटवल,असाेज ५ ।

चुरे पहिरो नियन्त्रण र व्यवस्थापनमा प्रदेश र संघीय सरकार गम्भीर नभएको एमाले बुटवल उपमहानगर कमिटीले बताएको छ।

मङ्गलबार बुटवलमा पत्रकार सम्मेलन गर्दै एमाले बुटवल उपमहानगर कमिटीले पहिरोग्रस्त क्षेत्रको जोखिम कायमै रहेकाले त्यसको नियन्त्रण र व्यवस्थापनमा प्रदेश र संघ सरकार गम्भीर भएर लाग्नुपर्ने बताएको हो।

एमाले बुटवल नगर कमिटी अध्यक्ष बाबुराम पन्थीले पहिरो नियन्त्रण र व्यवस्थापन स्थानीय सरकारको ‘ग्रीप’बाट बाहिर गएको बताए। ‘स्थानीय तहमा हाम्रो पार्टी नेतत्त्वको सरकार छ। संघ र प्रदेशलाई देखाएर स्थानीय तह उम्कने होइन, यो स्थानीय सरकारले मात्र समधान गर्ने अवस्था रहेन। यहाँ अब अर्बौँ रुपैयाँ लाग्छ’, उनले भने।

उनले बुटवलको स्थानीय सरकार यस विषयमा गम्भीर रहेको बताउँदै चुरे पहिरो नियन्त्रण र व्यवस्थापनमा आवश्यक परे स्वयंसेवक समेत परिचालन गर्न सकिने बताए। यस्तै बुटवलको मुख्य र भित्री राजमार्गका बारे आएका समाचारमा समेत उनले टिप्पणी गरेका थिए।

संघ र प्रदेश सरकारका योजना सम्पन्न नहुनमा समेत बुटवल उपमहानगरको आलोचना हुने गरेकोमा असन्तुष्टि जनाउँदै उनले योजना सम्पन्न नभएका बारे सम्बन्धित सरकारलाई जवाफदेही बनाउनुपर्नेमा मिडियाले समेत त्यसतर्फ चासो नदिएको बताए। 

यस्तै कार्यक्रममा बुटवल उपमहानगरपालिकाका प्रमुखमाथि भएको आक्रमणको आलोचना समेत गरिएको थियो। आक्रमणकारीमाथि मुद्दा नचलाउने पनि अध्यक्ष पन्थीले कार्यक्रममा  बताएका थिए। 

• बुटवल उपमहानगरपालिकाले भन्यो -‘नगर प्रमुख शिवराज सुवेदीमाथि आक्रमण गर्ने काम निन्दनीय’
• मेयरमाथि आक्रमण गर्ने पंगेनी नेकपा एमालेकै कार्यकर्ता !
• शान्ति समाज रुपन्देहीले भन्याे- मेयरमाथिको आक्रमण निन्दनीय (बिज्ञप्तिसहित)
• बुटवलका मेयर सुवेदीमाथि आक्रमण गर्ने पंगेनी पक्राउ
• ज्याेतिनगर पहिराे अवलाेकनमा पुगेका बुटवलका मेयर सुवेदीमाथि आक्रमण

नागरिक अनलाइन

लेखकबाट थप

• मंगलवार, आश्विन ५ २०७८०७:४२:३०

• Tags:

  # एमाले बुटवल उपमहानगर # बाबुराम पन्थी # मेयरमाथि आक्रमण

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन