बुटवल, असोज ३ ।  

शारररिक अपाङ्गता भएका व्याक्तिहरुको लागि रुपन्देहीमा ५ दिने व्यवसायीक बाख्रा पालन तालिम सुरु भएको छ ।  राष्ट्रिय शाररिक अपाङ्ग संघ नेपाल र राष्ट्रिय शाररिक अपाङ्गता संघ रुपन्देहीको आयोजना र सिलोम सेन्टर फर  द ब्लाईन्ड कोरिया को आर्थिक सहयोगमा कार्यक्रम भएको हो ।

राष्ट्रिय शारररिक अपाङ्गता  संघका अध्यक्ष किरण सिल्पकारको अध्यक्षता तथा बुटवल उपमहानगरपालिकाका उप प्रमुख गुमादेवी आचार्यको प्रमुख आतिथ्यातमा तालिम शुरुवात गरिएको छ ।

कार्यक्रममा बोल्दै उप प्रमुख आचार्यले अपाङ्गता हुदैमा कोही पनि कमजोरी वा अभागी नहुने भन्दै उचित सिप र परिश्रममले नमुना उद्यमी बन्न सकिने बताईन । उनले यसको लागि स्थानिय सरकार जहिले पनि तयार रहेको भन्दै यसमा सहकार्य गरी उद्यमशिलता बनाउने अभियानमा आफु जहिले पनि लागिपरेको बताईन ।

कार्यक्रममा बोल्दै राष्ट्रिय अपाङ्ग महासंघ नेपालका केन्द्रीय उपाध्यक्ष रमा ढकालले अपाङ्गता भएका व्याक्तिहरुले केही पनि गर्न सक्दैनन,  उनीहरु समाजका बोझ मात्रै हुन भन्ने परम्परागत सोँचलाई परिर्वतन गर्न आवश्यक रहेको बताईन । उनले  सिप सिकेर समाजमा उदाहरणीय पात्र बन्नको लागि समेत आग्रह गरिन ।

 बुटवल उपमहानगरपालिका, सैनामैना नगरपालिका र शुद्धोधन  गाउँपालिका गरी ३ पालिकाका २० जना शाररिक अपाङ्गता भएका व्याक्तिहरुको तालिममा सहभागीता रहेको छ । कार्यक्रममा राष्ट्रिय शाररिक अपाङ्गता संघ रुपन्देहीका अध्यक्ष कल्पना ढकाल,  रुपन्देही नेत्रहिन संघका अध्यक्ष कृष्ण बहादुर जिसी लगायतको सहभागीता रहेको थियो ।

पार्वती न्यौपानेको सञ्चालनमा रहेको कार्यक्रमको ५ दिन सम्म  प्रशिक्षक सुमन भट्राई, विष्णु प्रसाद रिमाल लगायतले सहजीकरण गर्ने छन् ।  संस्थाले प्रति परिवार २०-२० हजार रुपैयाँ बाख्रा खरिदको लागि आर्थिक सहयोग समेत गरेको छ भने आवश्यक दाना समेत प्रदान गरेको छ । 

नागरिक अनलाइन

लेखकबाट थप

• आइतवार, आश्विन ३ २०७८०७:१०:०२

• Tags:

  # शारिरिक अपाङ्गता # बाख्रा पालन तालिम

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी