आइतवार, भाद्र २७ २०७८

तिलोत्तमामा आर्थिक सुशासनका लागि नेतृत्व परियोजना संचालन

नागरिक अनलाइन

2.3K

तिलोत्तमामा आर्थिक सुशासनका लागि नेतृत्व परियोजना संचालन

बुटवल,भदौ २७।

नेपाल लिडर सिप एकेडेमी र तिलोत्तमा नगरपालिकाको सहकार्यमा आर्थिक सुशासनका लागि नेतृत्व परियोजना सञ्चालन हुने भएको छ ।

आर्थिक समृद्धि, सुशासन र नेतृत्व अभ्यासमा आधारित नवप्रवर्तनको सोंचले सञ्चालन गर्न लागेको परियोजनाले जनप्रतिनीधि, कर्मचारीतन्त्र र सरकोकारवालाहरुको एकाकार सोंच, सामुहिकसिकाईर परिणाम मुखीपहल मोडयूलहरुको अभ्यास गर्नेछ ।
नेपाल सरकारका पूर्व सचिव कृष्ण ज्ञवालीले अभिमुखिकरण गरिएको कार्यक्रममा परियोजना कार्यान्वयनार्थ तिलोत्तमा नगरपालिकाका नगर प्रमुख बासुदेव घिमिरेको संयोजकत्वमा १५ सदस्सिय निर्देशक समिति गठन भएको छ । जस्मा नगर प्रमुख बासुदेव घिमिरे, उपप्रमुख जगेश्वरदेवी चौधरी, विषयगत समितिहरुबाट दिवाकर ढकाल, राधा शाही, दधिराम गौतम, सुखदेव न्यौपाने, प्रवक्ता सुरेन्द्र श्री, बाणिज्य र वित्तिय क्षेत्रबाट गुणानीधि भण्डारी, बाबुलाल भुसाल, सत्यव्रत ज्ञवाली, देवराज ज्ञवाली, सदस्य सचिवमा प्रमुख प्रशासकिय अधिकृत प्रदीप पौडेल, सह-सदस्य सचिव कमल थापा, प्राज्ञिक र विकास क्षेत्रका तर्फबाट युवराज न्यौपाने र विष्णु प्रसाद ढकाल तथा आमन्त्रित योगदान कर्तामा माधव पोखरेल रहेका छन् ।

यसै समितिको मार्गदर्शनमा पालिकाले यूवा रोजगारीको क्षेत्रमा दीगो रोजगारी श्रृजनाका नविन प्रयोग सहितको १०० दिने दु्रत परिणाम पहल अभियान सञ्चालन पनि गरिने निर्णय समेत गरेको छ । नगरप्रमुख बासुदेव घिमिरेको अध्यक्षता, प्रवक्ता सुरेन्द्र श्रीको स्वागतमा सम्पन्न कार्यक्रमको सञ्चालन दायित्वका लुम्बिनी प्रदेश संयोजक कमल थापाले गर्नुभएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)