बुटवल,जेठ २३ ।

उपप्रधानमन्त्री तथा जनता समाजवादी पार्टीका नेता राजेन्द्र महतोले आफ्नो विवादास्पद अभिव्यक्तिबारे मध्यरातमा स्पष्टिकरण दिएका छन् ।  सहरी विकासमन्त्री समेत रहेका उनले आफ्नो अभिव्यक्तिलाई बंग्याएर गलत प्रचार भएको समेत दावी गरेका छन् । 

शनिबार राति ११ :३९ बजे फेसबुकमार्फत् एक विज्ञप्ति जारी गर्दै उपप्रधानमन्त्री महतोले राष्ट्रिय एकता, अखण्डता र राष्ट्रिय एकताप्रति आफू पूर्ण प्रतिबद्ध रहेको उल्लेख गर्दै यसबारेमा कसैलाई पनि भ्रम नहोस् भनि स्पष्ट पारेका छन् । 

‘मैले संविधानको धारा ३ मा उल्लेख भएबमोजिम बहुजातीय, बहुभाषिक, बहुधार्मिक, बहुसांस्कृतिक विशेषतायुक्त, भौगोलिक विविधतामा रहेका समान आकांक्षा र नेपालको राष्ट्रिय स्वतन्त्रता, भौगोलिक अखण्डता, राष्ट्रिय हित तथा समृद्धिप्रति आस्थावान रही एकताको सूत्रमा आवद्ध सबै नेपाली जनता समष्टिमा राष्ट्र हो भन्ने विषयलाई आत्मसात गर्दै यो राज्य सबै जातजाति, वर्ग, समूदाय, धर्म, लिंगको साझा राष्ट्र हो भन्ने आशय व्यक्त गरेको हुँ’, यसअघिको आफ्नो अभिव्यक्ति सच्याउँदै महतोले जारी गरेको विज्ञप्तिमा भनिएको छ । 

यो विषय पार्टीको असन्तुष्टि सम्बोधन गर्न संविधान संशोधनको निम्ति गठित कार्यदलमा राखिने पनि उनले बताएका छन् । 
महतोले शुक्रबार शपथ लगत्तै अब नेपाललाई बहुल राष्ट्रिय राज्यतिर लैजान मुक्ति आन्दोलनको तयारी गर्ने बताएका थिए ।

सोही कुरा उनले पदभार ग्रहणका क्रममा पनि बताएका थिए । उनको अभिव्यक्तिलाई लिएर अहिले चर्को विरोध भइरहेको छ । 

• उपप्रधानमन्त्री राजेन्द्र महतोले भने–‘नेपाल एकल राज्य नभई बहुल राज्य हुन आवश्यक ’

• कामचलाउ प्रधानमन्त्री ओलीले गरे मन्त्रिपरिषद् पुनर्गठन (नामावलीसहित)

नागरिक अनलाइन

लेखकबाट थप

• आइतवार, जेठ २३ २०७८०८:१८:०४

• Tags:

  # विवादास्पद अभिव्यक्ति # राजेन्द्र महताे # उपप्रधानमन्त्री राजेन्द्र महताे

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)