बुटवल,बैसाख २६-

प्रधानमन्त्री केपी शर्मा ओलीले आज संवैधानिक परिषदको बैठक राखेका छन्। आज बिहान ९ बजेका लागि प्रधानमन्त्री ओलीले बालुवाटारमा संवैधानिक परिषद बैठक राखेका हुन्।

लोक सेवा आयोगलगायतमा रिक्त रहेका पद तथा पदाधिकारी नियुक्तिका लागि प्रधानमन्त्री ओलीले परिषदको बैठक राखेको स्रोतको भनाइ छ।

तर बैठकका एजेन्डा बाहिर आइसकेको छैन। परिषद सदस्यहरूलाई पनि एजेन्डाबारे जानकारी दिइएको छैन। 

बैठकमा सभामुख अग्निप्रसाद सापकोटा उपस्थित नहुने भएका छन्।साथै प्रमुख प्रतिपक्षी दलका नेता नेपाली कांग्रेसका सभापति शेरबहादुर देउवा पनि बैठकमा नजाने भएका छन्।

कांग्रेसले संवैधानिक परिषद सम्बन्धी अध्यादेश प्रधानमन्त्रीले ल्याएकोमा विमति जनाइरहेको छ।  सभामुख र प्रमुख प्रतिपक्षी दलका नेताविनै बैठक बस्न सक्ने गरी गत वैशाख २१ मा सरकारले अध्यादेश ल्याएको थियो। उक्त अध्यादेश सरकारले गत मंसिर ३० मा पनि ल्याएको थियो।

साथै एमाले नेता माधव नेपाल र नेकपा माओवादी केन्द्रका अध्यक्ष पुष्पकमल दाहालले पनि संवैधानिक परिषद बैठक बोलाइएकोमा आपत्ति जनाएका छन्। 

नागरिक अनलाइन

लेखकबाट थप

• आइतवार, बैशाख २६ २०७८०९:०४:३८

• Tags:

  # संवैधानिक परिषद बैठक

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)

• आज बडादशैं : टीका लगाउने उत्तम साइत बिहान १०ः२६ बजे

• नेपाली कांग्रेस रूपन्देही क्षेत्र नं. २ (ख) द्वारा शुभकामना आदानप्रदान

• कांग्रेस बुटवलको पहिलो निर्णय : गणेशमान स्मृति भवन पछाडि नयाँ भवन बनाइने