बुटवल,बैसाख १८-

नेपाल संस्कृत विश्वविद्यालयका पूर्वउपकुलपति एवम् राष्ट्रिय सभाका पूर्वसदस्य विदुर पौडेलको निधन भएको छ ।उनको पशुपतिस्थित वैद्यखानामा आज विहान निधन भएको हो । उनको आजै विहान पशुपति आर्यघाटमा अन्त्येष्टि गरिँदै छ ।

पूर्वीय दर्शनका जानकार पौडेल पहिलो राष्ट्रियसभाका सदस्यसमेत थिए ।ओखलढुंगा घर भई कुमारीगालमा बस्दै आएका पौडेललाई मस्तिष्कघात भएको थियो । सुरुमा उनलाई उपचार गर्न त्रिवि शिक्षण अस्पताल हुँदै सिनामंगलस्थित काठमाडौं मेडिकल कलेजमा ल्याइएको थियो ।

तर, पछि पौडेलको पशुपतिमा देहत्याग गर्ने इच्छाअनुसार नै पशुपतिस्थित वैद्यखानामा लगिएको थियो । ‘उहाँ शिवभक्त हुनुहुन्थ्यो । पशुपतिनाथ मन्दिर परिक्रमा गराएर वैद्यखानामा राखेपछि उहाँले आज विहान अन्तिम सास लिनुभयो,’ पौडेलबारे जानकार कांग्रेस नेता डा.चन्द्र भण्डारीले भने ।

उनी नेपाली राजनीतिमा वीपी कोइराला, सुवर्ण शमसेर, गणेशमान सिंह एवम् कृष्णप्रसाद भट्टराईका अनुयायी समेत रहेको नेता भण्डारी बताउँछन् ।

नागरिक अनलाइन

लेखकबाट थप

• शनिवार, बैशाख १८ २०७८०८:०२:२२

• Tags:

  # विदुर पौडेल

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)

• आज बडादशैं : टीका लगाउने उत्तम साइत बिहान १०ः२६ बजे

• नेपाली कांग्रेस रूपन्देही क्षेत्र नं. २ (ख) द्वारा शुभकामना आदानप्रदान

• कांग्रेस बुटवलको पहिलो निर्णय : गणेशमान स्मृति भवन पछाडि नयाँ भवन बनाइने