बुटवल भदाै २९- 

रुपन्देहीको पाँचतारे होटल टाइगर प्यालेस रिसोर्टका कर्मचारीहरुले आन्दोलन शुरु गरेका छन् । तिलोत्तमामा सञ्चालित रिसोर्टका कर्मचारीहरुले गेटमै धर्ना दिएका हुन् । 

अष्ट्रेलियन सिलभर हेरिटेज कम्पनीको लगानीमा सञ्चालित सो होटलले दुई वर्षे करार सम्झौता सकिएको भन्दै कर्मचारीहरुलाई इमेलबाट पत्र पठाएर विदा दिएपछि कर्मचारी आन्दोलनमा उत्रिएका हुन् ।

होटलले अब करार सम्झौता नविकरण नहुने जनाएपछि कर्मचारीहरुले आजदेखी आन्दोलन शूरु गरेका छन् । आन्दोलनको कार्यक्रम अन्तर्गत कर्मचारीले आज दिउँसो रिसोर्ट गेटमा धर्ना दिएका छन् भने जिल्ला प्रशासन कार्यालय र अन्य निकायमा पुगेर ज्ञापनपत्रसमेत बुझाएका छन् ।

 होटलका जनरल म्यानेजरदेखि तल्लो तहमा कार्यरत ४ सय ३३ कामदारलाई निष्कासन गरेपछि आन्दोलन गर्नुपरेको कर्मचारी युनियनका अध्यक्ष रोसन गुरुङ्गले बताए । उनले निश्काशन गरिएका कर्मचारीहरुलाई पुनरबहाली गर्ने प्रकृया अगाडि बढाउन दबाब दिइएको बताए ।

उक्त रिसोर्टमा क्यासिनो समेत सञ्चालित थियो । सेप्टेम्बर ९ तारिखमा पठाइएको इमेलमा करार सम्झौता नविकरण नहुने भएकाले आफ्नो व्यवस्थापन आफैं गर्न र भविष्यमा होटेल खुलेपछि कर्मचारी माग हुँदा उपयुक्त पदमा आवेदन दिन सकिने उल्लेख छ ।

कर्मचारी युनियनका प्रवक्ता रोहित भट्टराईले कोरोनाका कारण न्यूनतम तलबमा चित्त बुझाउन तयार हुँदाहुँदै रोजगारी नै खोसेपछि आन्दोलनमा जानुको विकल्प नभएको बताए । उनले नेपाली कामदारलाई निश्कासन गरेको तर विदेशीलाई निश्कासन नगरिएको आरोप लगाए । होटलका एचआरका म्यानेजर इन्द्र भट्टराईसँग पटक–पटक फोन गर्दा सम्पर्क हुन सकेन ।

चार वर्षअघि ६ अर्बभन्दा बढी लगानीमा तिलोत्तमा नगरपालिका–१३ कोटहिवामा १४ विगाह क्षेत्रफलमा  पाँचतारे होटेलका रुपमा टाइगर वान प्रालिअन्तर्गत टाइगर प्यालेस रिसोर्ट सञ्चालनमा आएको थियो ।

नागरिक अनलाइन

लेखकबाट थप

• सोमवार, भाद्र २९ २०७७०३:२६:३७

• Tags:

  # बिराेध # पाँचतारे होटल टाइगर प्यालेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा