बुटवल,चैत्र २-

मानव अधिकार तथा शान्ति समाजका केन्द्रिय सभापति गोबिन्द खनालले बर्मामा लोकतन्त्र बहाली गर्न अन्तराष्ट्रिय समुदायको दबाब जरुरी रहेको बताएका छन् ।

उनले सैन्य कु मान्य नहुने भन्दै नागरिक हत्यामा भैरहेको दमन तत्काल बन्द गर्न माग गरे । उनले राजनैतिक बन्दीको तत्काल रिहाइको माग समेत गरे ।

मानव अधिकार तथा शान्ति समाज रुपन्देहीले आज बुटवलमा गरेको बिरोध प्रदर्शनमा बोल्दै सभापति खनालले म्यानमारका प्रधानमन्त्री आङ साङ सूचीको रिहाइको माग समेत गरे ।

सो अबसरमा बोल्दै समाजका केन्द्रिय सदस्य बिष्णु भुसालले बर्माको दमनकारी नीति अन्त्य गरेर लोकतन्त्रको पुर्नबहालीको बिकल्प नभएको बताए । म्यानमारमा भइरहेको सैनिक शासन र हत्याको बिरोधमा बुटवलको राजमार्ग चौराहामा बिहान १० बजेदेखि ११ बजेसम्म बिरोध प्रदर्शन गरिएको समाजका रुपन्देही शाखा सभापति डीपी खनालले बताए । 

उपसभापति कृष्ण भट्टराइको स्वागत तथा जिल्ला सचिब कपिल ज्ञवालीको संचालनमा कार्यक्रम भएको थियो ।  म्यानमारमा नागरिकमाथि सुरक्षा फौजले चलाएको गोली लागेर ३८ जनाको मृत्यु भएको छ ।

म्यानमारमा भइरहेको हत्या र दमनको विरोध एवं राजनीतिक बन्दीहरूको विना सर्त रिहाइ र लोकतन्त्र बहालीको मागसहित मानव अधिकार तथा शान्ति समाजले आज देशैभर कार्यक्रम गरेको थियो ।

म्यानमार घटनाको बिराेधमा मानव अधिकार तथा शान्ति समाज रुपन्देहीद्वारा बुटवलमा प्रदर्शन

नागरिक अनलाइन

लेखकबाट थप

• सोमवार, चैत्र २ २०७७११:३६:५४

• Tags:

  # म्यानमार # मानव अधिकार तथा शान्ति समाज # गाेबिन्द खनाल # मानव अधिकार तथा शान्ति समाज रुपन्देही

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा