बुटवल,फागुन ९-

बुटवल उद्योग बाणिज्य संघका वाणिज्य उपाध्यक्ष हरि अर्यालले आफूले पपुलर भाेट सहित अध्यक्षमा चुनाव जित्ने दाबी गरेका छन्  । अर्यालले आज बुटवलमा पत्रकार सम्मेलन गर्दै अध्यक्षमा उम्मेदवारी घोषणा समेत गरे ।

पुरानो व्यवसायिक संस्था बुटवल उद्योग वाणिज्य संघमा वर्तमान वरिष्ठ उपाध्यक्ष उज्वल कसजु र वाणिज्य उपाध्यक्ष हरि अर्याल अध्यक्ष पदमा भिड्ने संकेत गरेका छन् । 

विगतको कार्यकालमा व्यवसायीहरुको सेवामा आफुले निभाएको भूमिका र नेतृत्वमा हुनुपर्ने सबै योग्यता आफुसँग भएकाले अध्यक्ष पदमा उम्मेदवारी घोषणा गरेको उनले बताए ।

अर्यालले समन्वय, दवाव र  निर्णय गर्ने तीनैवटा क्षमता आफुसंग रहेको दाबी गरे । अर्यालले आफु एक्लै अध्यक्ष पदमा उम्मेदवारी घोषणा गरेको उल्लेख गर्दै बाँकी अन्य सबै पदका उम्मेदवार नै आफ्नो टिम हुने जनाए । व्यवसायीक संस्थाहरुमा भाषा,जाती,आस्थाका आधारमा प्यानल बन्न नहुने भन्दै उनले वस्तुगत व्यवसायीहरुलाई समेटेर भने टिम बन्न सक्ने बताए ।

संघको कार्यसमिति सदस्यबाट महासचिव हुँदै वाणिज्य उपाध्यक्षसम्म पुगेका अर्यालले अध्यक्ष पदका लागि आफुलाई संघका पूर्व अध्यक्षहरुको समेत समर्थन रहने दाबी गरे ।

उनले पत्रकार सम्मेलनमा वितरण गरेको प्रतिबद्धतापत्रमा बुटवलको प्रमुख व्यवसायिक क्षेत्र सिद्धार्थ राजमार्गको सर्भिस लेनलाई व्यवसाय मैत्री बनाउने, योगीकुटीदेखि सब्जीमण्डीसम्मको बाइपास सडकलाई छिटो सम्पन्न गर्नका लागि दबाब सिर्जना गर्ने, राजस्व अनुसन्धान तथा आन्तरिक कर कार्यालयको सुविधालाई व्यवसायी मैत्री बनाउन पहल गर्ने लगायतका विषयहरु छन् ।

सोमबारदेखि फागुन १३ गतेसम्म हुन लागेको संघको ६७ औं साधारणसभा तथा २४ औं अधिवेशनले नयाँ नेतृत्व चयन गर्ने छ । संघमा १६१३ जना सदस्य छन् ।

यी समाचारहरु पनि पढाैँ :-

• प्रधानसम्पादक ज्ञवालीलाई २५ हजार राशीको आर्थिक पत्रकारिता पुरस्कार

• उद्योगी व्यबसायीका समस्या समाधान गर्ने ‘भिजन पेपर’ बन्दैछ : शेखर गोल्छा

• कसजूलाई अध्यक्ष बनाउन बुटवल उवा संघका १० पूर्व अध्यक्ष एकमत

• बुटवल उबा संघमा भोली मतदान : अध्यक्षका लागि कसजू र अर्याल मैदानमा,महासचिवमा भने भट्टराई बिजयी 

• बुटवल उवासंघमा अध्यक्षका आकांक्षी अर्यालको दाबी : ‘८ सय भन्दाबढी मत ल्याएर जित्छु’

• बुटवल उद्योग बाणिज्य संघले रुपन्देहीको सेमलारमा बहुउद्देश्यीय व्यवसायिक भवन बनाउने

• बुटवल उद्योग बाणिज्य संघको ६८ औं स्थापना दिवसमा रक्तदान

• बुटवल उद्योग बाणिज्य संघको ६७ औं साधारणसभा तथा २४ औं अधिवेशनको तयारी पुरा

नागरिक अनलाइन

लेखकबाट थप

• आइतवार, फाल्गुण ९ २०७७०९:३४:५३

• Tags:

  # बुटवल उद्योग बाणिज्य संघ # निर्वाचन # हरि अर्याल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा