बुटवल,माघ २८- 

अर्थमन्त्रालयले चालु आर्थिक वर्षको बजेटको मध्यावधी समिक्षा गर्दै आकार घटाएको छ ।

जेठ १५ मा ल्याएको बजेटमा यो वर्ष १४ खर्ब ७४ अर्ब खर्च हुने अनुमान थियो । मंगलबार अर्थमन्त्रालयमा पत्रकार सम्मेलन गर्दै अर्थमन्त्री बिष्णुप्रसाद पौडेलले यो वर्ष १३ खर्ब ४४ अर्ब खर्च हुने संसोधितअनुमान पेश गरे ।

सरकारले यो वर्ष चालु खर्च अन्तर्गत ९ खर्ब १४ अर्ब,पूँजीगतमा २ खर्ब ८३ अर्ब तथा वित्तीय व्यवस्था अन्तर्गत १ खर्ब ४६ अर्ब खर्च हुने अनुमान गरेको छ ।

अर्थमन्त्रालयले राजस्वको लक्ष्य समेत संसोधन गरेको छ । जेठ १५ मा ल्याएको बजेटमा १० खर्ब ११ अर्बको राजस्वको लक्ष्य राखिएकोमा संसोधन गर्दै यसलाई ९ खर्ब ५९ अर्ब मात्र राजस्व उठाउने भनिएको छ ।

अर्थमन्त्री बिष्णु पौडेलले जेठ १५ मा तत्कालिन अर्थमन्त्री युवराज खतिवडाले ल्याएको बजेटको मध्यावधी समिक्षा मार्फत लक्ष्यहरु घटाएका हुन् । बजेट ल्याउदा ठूलो आकारको ल्याउने र मध्यावधी समिक्षा मार्फत घटाउने प्रचलन भने नयाँ होइन । पत्रकार सम्मेलनमा अर्थमन्त्री पौडेलले कोभिड १९ को चुनौती देखिएपनि अर्थतन्त्र विस्तारै लयमा जान लागेको बताए ।

बजेट भाषण गर्ने मन्त्री फेरिएपनि अर्थमन्त्रालयमा बजेट निर्माणमा संलग्न अधिकारी भने परिवर्तन भएका छैनन् ।अर्थमन्त्रीले बजेटमा उल्लेख भएको ७ प्रतिशतको बृद्धिदरको लक्ष्य पुरा नहुने बताउदै औसत मात्र बृद्धि हुने बताए ।

यद्यपी आर्थिक बृद्धिदरको संसोधित लक्ष्य भने राखिएको छैन । अर्थसचिव शिशिर ढुंगानाले औसतमात्र आर्थिक बृद्धिदर हुने र आर्थिक बृद्धिदरको जानकारी केन्द्रिय तथ्यांकले विभागले दिने बताए ।

निर्वाचन आयोगलाई ७ अर्ब रुपैयाँ उपलब्ध :

अर्थमन्त्रालयले आगामी बैशाख १७ र २७ गते हुने भनिएको निर्वाचनका लागि निर्वाचन आयोगलाई ७ अर्ब रुपैयाँ उपलब्ध गराएको छ । मंगलबार आर्थिक वर्ष २०७७-७८ को अर्धवार्षिक समीक्षामा अर्थमन्त्री विष्णुप्रसाद पौडेलले निर्वाचन आयोगलाई ७ अर्ब रुपैयाँ निकासा गरिसकेको जानकारी दिए ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा बिघटन गरी आगामी बैशाखमा दुई चरणको निर्वाचन हुने घोषणा गरेकी थिइन् ।

नागरिक अनलाइन

लेखकबाट थप

• बुधवार, माघ २८ २०७७१०:०८:५५

• Tags:

  # अर्थमन्त्री विष्णु पौडेल # बजेट

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा