बुटवल,असार २९ ।

राष्ट्रिय प्रजातन्त्र पार्टी रुपन्देहीले रुपन्देही क्षेत्र नं ३ को उपनिर्वाचनका लागि पार्टीको तर्फबाट उम्मेदवारका लागि ६ जनाको नाम पार्टी केन्द्रलाई सिफारिस गरेको छ ।

आज रुपन्देहीमा बसेको जिल्ला कार्यसम्पादन समिति बैठकले पार्टी केन्द्रीय सदस्यद्वय बसन्तविक्रम शाही, स्वाती थापा, रुपन्देही अध्यक्ष सागरप्रताप राणा, स्व. दीपक बोहोराका छोराहरु गौरव बोहोरा, प्रज्ज्वल बोहोरा र जिल्ला नेता दिलिप मल्लिकको नाम सिफारिस गरेको हो ।

यो क्षेत्रबाट ०७९ सालको निर्वाचनमा निर्वाचित भएका राप्रपाका वरिष्ठ नेता दीपक बोहोराको निधन भएपछि कार्तिक १७ गते उपनिर्वाचन हुन लागेको छ ।

राप्रपाले आफ्नो तर्फबाट यसअघि जितेको क्षेत्र सुरक्षित राख्ने योजनाका साथ चुनावी तयारी गरेको जनाएको छ । अहिले सिफारिस भएका गौरव बोहोरा, प्रज्ववल बोहोरा उनका दुई छोरा र स्वाती थापा नातिनी हुन् । ०७९को निर्वाचनमा थापा चुनावी कमाण्डर रहेकी थिइन् । गौैरव बुद्ध एयरको सिनियर पाइलट हुन् भने प्रज्ववल इन्जिनियर हुन् । निर्वाचनका दुवै छोराहरुले दीपकलाई साथ दिएका थिए ।

राप्रपा केन्द्रीय कमिटीले असार १९ गते नै यसको तयारीका लागि काम थालेको थियो । केन्द्रीय कार्यसम्पादन समितिको बैठकले आवश्यक प्रक्रिया र तयारी गर्न जिल्ला समितिलाई निर्देशन दिएको छ । उक्त क्षेत्रमा उठ्नका लागि सम्भावित उम्मेदवारको नाम पठाउन निर्देशनसँगै वरिष्ठ नेता रहेका उपाध्यक्ष ध्रुवबहादुर प्रधानको संयोजकत्वमा उपनिर्वाचन परिचालन समिति गठन गरेको छ ।

समितिमा निरञ्जन थापा, प्रदीप उदय, ताहिर अली सदस्य रहेका छन् । यहाँकात्तिक १७ गते उपनिर्वाचन हुँदैछ ।

नागरिक अनलाइन

लेखकबाट थप

• आइतवार, आषाढ २९ २०८२०६:१९:२१

• Tags:

  # राष्ट्रिय प्रजातन्त्र पार्टी रुपन्देही # रुपन्देही क्षेत्र नं ३

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)

• आज बडादशैं : टीका लगाउने उत्तम साइत बिहान १०ः२६ बजे

• नेपाली कांग्रेस रूपन्देही क्षेत्र नं. २ (ख) द्वारा शुभकामना आदानप्रदान

• कांग्रेस बुटवलको पहिलो निर्णय : गणेशमान स्मृति भवन पछाडि नयाँ भवन बनाइने