बुटवल,चैत्र २५ ।

नेपाली कांग्रेसका केन्द्रिय सदस्य तथा प्रतिनिधिसभा सदस्य डा.चन्द्र भण्डारीले जनप्रतिनिधिहरुको संख्या ५० प्रतिशतले घटाउनु पर्ने बताएका छन् । आइतबार नेपाल प्रेस युनियन रुपन्देहीले बुटवलमा आयोजना गरेको पत्रकार सम्मेलनमा बोल्दै प्रतिनिधिसभा सदस्य भण्डारीले जनप्रतिनिधिसँगै कर्मचारीको संख्या पनि घटाउनु पर्ने बताएका हुन् ।

स्थानीय तहहरुले राम्रो काम गरिरहेको बताउँदै प्रदेश र केन्द्रमा धेरै मन्त्री हुँदा राज्यको बजेट भरी कर्मचारी र जनप्रतिनिधिको तलब जाँदा विकास निर्माणका कामले गति लिन नसेको बताए । उनले माथिल्लो सदनबाट पनि प्रधानमन्त्री हुन पाउने व्यवस्था गरिनु पर्ने बताए ।  

साथै भण्डारीले नेपालको अवस्था विश्लेषण भन्दा बाहिर रहेको बताए । ‘देशको अवस्थाको बारेमा विश्लेषण गर्न सक्ने अवस्था छैन् । जे कामहरु भईरहेको छ त्यो सबै विश्लेषण भन्दा बाहिर नै भएको छ ।’–उनले भने ‘कति बेला कसको सरकार बन्छ  र सरकार कति समयसम्म रहन्छ भनेर विश्लेषण गर्न सक्ने अवस्था छैन् ।’ यस्तै राजनीतिक दलमा हुने स्वार्थ केन्द्रित गुटहरुले देशलाई फाइदा नगरेको बताए ।  

उपप्रधान तथा गृह मन्त्री रवि लामिछानेलाई लक्षित गरी डा. भण्डारीले प्रश्न उठेपछि आफै मूल्याङ्कन गर्नु पर्ने बताए ।‘प्रश्न उठेपछि छानविन गर्नु प्रजातन्त्रिक कुरा नै हो । सकेसम्म प्रश्न नउठ्ने गरी काम गर्नु पर्छ । प्रश्न उठेपछि आफै पनि मूल्याङ्कन गर्नु पर्ने हुन्छ ।’–उनले भने । 

साथै अब हुने पार्टीको महाधिवेशनबाट आफू सभापति बन्ने बताए । ‘अबको महाधिवेशनबाट पार्टी सभापति म हुने  हो । किन अरुलाई बोक्नु पर्यौ ।’–उनले भने ‘२ वर्ष पछि हुने महाधिवेशनबाट पार्टी सभापति म हुन्छु । संसदीय दलको नेता पनि म नै हुने हो ।’

पत्रकार सम्मेलनको अध्यक्षता जिल्ला शाखा अध्यक्ष कविन्द्र नेपालको अध्यक्षता र सचिव कपिल ज्ञवालीको स‌चालनमा सम्पन्न भएको थियो ।

नागरिक अनलाइन

लेखकबाट थप

• आइतवार, चैत्र २५ २०८००५:४०:५२

• Tags:

  # डा.चन्द्र भण्डारी

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)