बुटवल,भदाै १२ ।

नेकपा (एकीकृत समाजवादी) का अध्यक्ष एवं पूर्वप्रधानमन्त्री माधव कुमार नेपालले मुलुकको आर्थिक संकटलाई निवारण गर्नका लागि अहिलेको सरकारले पहल गर्नुपर्ने बताएका छन् ।

उनले दलाल पूंजीपति र बिचौलियाका कारण मुलुकमा आर्थिक संकट उत्पन्न भएको दावी गरे ।समाजवादी प्रेस संगठन नेपाल रुपन्देहीले मंगलबार भैरहवामा आयोजना गरेको पत्रकार भेटघाट कार्यक्रममा बोल्दै अध्यक्ष नेपालले गठबन्धन सरकारमा एकीकृत समाजवादी सामेल भएको र महत्वपूर्ण जिम्मेवारी सम्हालेको बताए ।

बामपन्थी, देशभक्त र लोकतान्त्रिक सबै शक्ति एकै ठाउँ उभिएर प्रतिगमन र अनुचित कदमकाविरुद्ध एकताबद्ध भएर जनताको पक्षमा लाग्न समाजवादी मोर्चा बनेको उनले बताए । संविधानमा पनि समाजवादको बारेमा प्रष्ट व्यवस्था रहेको अध्यक्ष नेपालको भनाइ छ ।
अध्यक्ष नेपालले नेकपा (एस) कुनै पार्टीमा विलय हुने वा समाहित हुने कल्पना गर्न नसकिने दावी गरे ।

उनले सदन, सडक र सरकारमा बसेर सशक्त रुपमा जनताको आवाज उठाउने र राम्रो काम गर्ने बताए । उनले मुलुकका विभिन्न समस्याहरुको समाधानका लागि समेत मोर्चाले सातवटै प्रदेशमा मोर्चा निर्माण गर्नुपरेको बताए ।

नागरिक अनलाइन

लेखकबाट थप

• मंगलवार, भाद्र १२ २०८०१०:३२:३५

• Tags:

  # पूर्वप्रधानमन्त्री माधव कुमार नेपाल

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)