बुटवल,मंसिर २५ ।

पछिल्लो २४ घण्टामा १२ सय १७ जनामा कोरोना सङ्क्रमण पृष्टि भएको छ ।

देशभरका विभिन्न प्रयोगशालामा जम्मा ७ हजार २सय ३२ वटा पीसीआर परीक्षण हुँदा ४४३ महिला ७सय ७४ पुरुषमा कोरोना सङ्क्रमण पृष्टि भएको हो । काठमाडौं उपत्यकामा ४ सय ४ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

काठमाडौंमा ३२८ , भक्तपुरमा २५ र ललितपुरमा ५१ जना नयाँ संक्रमित थपिएका हुन् । जिल्लागत रुपमा २४ घण्टामा थपिने सङ्क्रमितको संख्या काठमाडौं पछि कैलालीमा रहेको छ । २४ घण्टामा कैलालीमा ९४ जना सङ्क्रमित थपिएका छन्। त्यसपछि कास्की र मोरङमा ६७-६७ जना र सुनसरीमा ६६ जना सङ्क्रमित भेटिएका छन् ।

देशभरी सक्रिय संक्रमितको संख्या १२ हजार ३८६ छ भने ५१५ जना क्वारेन्टाइनमा रहेका छन् । यो सँगै नेपालमा कोरोना संक्रमितको संख्या २ लाख ४५ हजार ६५० पुगेको छ ।

स्वास्थ्य मन्त्रालयका अनुसार २४ घण्टामा १ हजार ६४ जना कोरोना संक्रमणमुक्त भएका छन् । नेपालमा योसँगै निको हुनेको २ लाख २९ हजार ५४ पुगेको छ ।

२४ घण्टामा कोरोना संक्रमणबाट १२ जनाको मृत्यु भएको छ । यो सँगै हालसम्म मृत्यु हुनेको संख्या १ हजार ६ सय ६३ पुगेको छ । हाल आईसीयुमा ३ सय ९ जना र भेन्टिलेटरमा ५७ जना उपचाररत छन् ।

नागरिक अनलाइन

लेखकबाट थप

• बिहिवार, मंसिर २५ २०७७०६:०५:४४

• Tags:

  # कोरोना भाइरस # कोरोना संक्रमितको मृत्यु

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान