बुटवल,मंसिर १७-

नेपाली कांग्रेसका वरिष्ठ नेता रामचन्द्र पौडेललाई प्रहरीले नियन्त्रणमा लिएको छ । निषेधित क्षेत्रमा कार्यक्रम गरेको भन्दै कांग्रेस नेता पौडेललाई प्रहरीले तनहुँबाट नियन्त्रणमा लिएको जिल्ला प्रहरी कार्यालय तनहुँले जनाएको छ ।

तनहुँका प्रमुख जिल्ला अधिकारी सागर आचार्यले वरिष्ठ नेता पौडेलले सुरक्षा घेरा तोडेपछि नियन्त्रणमा लिएर जिल्ला प्रहरी कार्यालयमा राखेको बताएका छन् । वरिष्ठ नेता पौडेलले आफूलाई प्रहरीले हिरासतमा राखेको जानकारी दिएका छन् ।

ब्यास नगरपालिकाले अधिकार क्षेत्र मिच्दै ब्यास नपा–१३ को सोंढे र ऋषिङ गाउँपालिकाको वडा नम्बर ३ जोड्ने सेती नदी माथिको मोटरेबल पुल उद्घाटनको कार्यक्रम राखेको थियो ।

संघीय सरकारको भौतिक पूर्वाधार मन्त्रालयको लगानीमा सडक डिभिजन कार्यालय दमौलीले निर्माण गरेको उक्त पुलको पौडेलले उद्घाटन गर्ने तयारी गरेपछि त्यहाँ विरोध प्रदर्शन भएको थियो ।

झडप हुने अवस्थालाई ध्यान दिँदै स्थानीय प्रशासनले उक्त ठाउँलाई निषेधित क्षेत्र घोषणा गरेको थियो । कांग्रेस नेता पौडेलले उक्त पुलको उद्घाटनका लागि निषेधित क्षेत्र तोडेका थिए ।

• कांग्रेस वरिष्ठ नेता रामचन्द्र पौडेल प्रहरी नियन्त्रणमा
• पौडेलप्रतिको दुव्यर्वहार सर्वसत्तावादको संकेत, सशक्त प्रतिवाद गर्छाैँ : सभापति देउवा
• रामचन्द्र पौडेललाइ प्रहरीले ३ घन्टा नियन्त्रणमा राखेपछि छाड्याे

नागरिक अनलाइन

लेखकबाट थप

• बुधवार, मंसिर १७ २०७७०६:३०:५९

• Tags:

  # रामचन्द्र पौडेल # प्रहरी नियन्त्रणमा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा