काठमाडौं,पुस १०।

नेकपा माओवादी केन्द्रका अध्यक्ष पुष्पकमल दाहाललाई प्रधानमन्त्री बनाउन बालकोटमा सहमति भएको छ । नेकपा एमाले र माओवादीबीच आलोपालो प्रधानमन्त्री चलाउने सहमति भएको छ । 

पहिलो साढे २ वर्ष दाहाल प्रधानमन्त्री बन्ने र अर्को साढे २ वर्ष ओली प्रधानमन्त्री बन्ने सहमति जुटेको हो । बालकोटमा जम्मा भएका दलहरुबाट बहुमत जुटेको छ । २७५ सदस्यीय प्रतिनिधिसभामा बहुमतको सरकार बनाउन १३८ सिट चाहिन्छ । एमालेको ७८, माओवादीको ३२, राष्ट्रिय स्वतन्त्र पार्टीको २०, राप्रपाको १४, जसपाको १२ र जनमत पार्टीको ६ सिट जोड्दा १६२ पुग्छ ।

राष्ट्रपतिले सरकार बनाउन दलहरुलाई दिएको समय आजै साँझ ५ बजे सकिँदै छ । राष्ट्रपतिले दिएको समयसीमाभित्रै दलहरु दाहाल नेतृत्वमा सरकार बनाउने तयारी गरेसँगै शीतलनिवासले पनि आजै प्रधानमन्त्रीको शपथग्रहण गराउने तयारी गरेको छ ।

सत्ता गठबन्धनबीच बालुवाटारमा आज बिहानैदेखि छलफल भए पनि सहमति नजुटेपछि माओवादी अध्यक्ष दाहाल बालुवाटार पुगेका थिए । बालुवाटारमा भएको छलफलमा दलहरुबीच आलोपालो सरकार चलाउने सहमति जुटेको हो । 

नागरिक अनलाइन

लेखकबाट थप

• आइतवार, पौष १० २०७९०८:३७:२४

• Tags:

  # बालकोटमा सहमति

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)