बुटवल,कात्तिक ३० ।

बुटवलमा आयोजित एक कार्यक्रमका वक्ताहरुले आसन्न मंसिर ४ को निर्वाचनमा एक पटक चुनाव जितिसकेका पुराना नेताहरुलाई स –सम्मान बिदाई गर्दै नयाँ अनुहारहरुलाई जिताउनु पर्ने कुरामा जोड दिएका छन् ।

सचेत नागरिक अभियान रुपन्देहीले बुधबार बुटवलमा आयोजना गरेको नो नट अगेन कार्यक्रममा बोल्ने वक्ताहरुले सो कुरामा जोड दिएका हुन् । कार्यक्रममा बोल्दै अभियान्ता महेन्द्र पाण्डेयले रुपन्देहीको क्षेत्र नं २ को हकमा पटक–पटक चुनाव जितिसकेका नेताहरुलाई जिताइराख्नु अब आवश्यक नरहेको बताए । अब युवाहरु देशको परिवर्तन चाहाने भएकाले परिवर्तनका लागि पुराना नेताहरुबाट संभव नभएको समेत धारणा व्यक्त गरे ।

सोही क्रममा युवा अभियान्ता प्रेम थापाले परिक्षण भईसकेका नेताहरु जो असक्षम सावित भइसकेका छन् उनीहरुलाई फेरी जिताउनुको कुनै अर्थ नरहेको बताएका छन् । उनले बुटवलका जनताले यसपटक मत जाहेर गर्दा सोचेर जाहेर गर्न अपिल समेत गरेका छन् । अहिलेका मतदाता सचेत भइसकेकाले आसन्न मंसिर ४ को निर्वाचनमा रुपन्देहीका मतदाताले सक्षम र योग्य उम्मेद्वार चयन गर्नेमा आफु विश्वस्त रहेको उनको भनाई थियो ।

कार्यक्रमका अर्का वक्ता शुशि पुलामीले रुपन्देही क्षेत्र नं २ बाट तीन–तीन पटक चुनाव जितिसकेका पूर्वअर्थमन्त्री समेत रहेका नेता विष्णु पौडेलप्रति लक्ष्यित गर्दै उनका भष्टाचार काण्डले सिङ्गो बुटवलबासी जनताको राष्ट्रिय रुपमा नै शिर निहुरिएको बताए । ‘बुटवलबाट जिताएर पठाइएको नेता विष्णु पौडेलको बालुवाटार जग्गा काण्ड, सुकुम्वासी काण्ड, राजधानीका काण्ड लगायतका कुराले हाम्रो शिर निहुरिएको छ ।’ शुशीले भनिन् ।

सोही क्रममा स्वस्फुर्त सहभागी भएर बोलेका स्थानिय विष्णु प्रसाद पौडेलले नेताहरुले देश विक्रीमा राखेको आरोप लगाए । फेरी पनि पुराना नेताहरुलाई जिताएर पठाउने हो भने देश फिजी बनाउने उनको धारणा थियो । त्यसैले यसपटक सक्षम नयाँ अनुहार चयन गर्नुपर्ने बताए ।

नागरिक अनलाइन

लेखकबाट थप

• बुधवार, कार्तिक ३० २०७९०९:४८:५२

• Tags:

  # ‘ नो नट अगेन‘

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)