खोटाङ,कात्तिक २७-

खोटाङमा आगलागी हुँदा साँढे १० लाख वरावरको क्षति भएको छ । खोटाङको खोटेहाङ गाउँपालिका–७ खोटाङबजारमा आगोलागी हुँदा भैंसी र बाख्रा जलेर मरेका छन् ।

बुधबार राति स्थानीय घनश्याम फुयाँलको गोठबाट सुरु भएको आगोले एउटा ब्याउने भैंसी र तीन वटा बाख्रा जले । आगोले जल्दा अरु बस्तुभाउ घाइते भएका छन ।

गोठ तथा गोठसँगै रहेको मतान, पशु तथा चौपाय, मतानमा स्टोर गरेर राखिएको काठ लगायत जल्दा करिब साँढे १० लाख बराबरको क्षति भएको खोटेहाङ गाउँपालिकाका अध्यक्ष प्रदीप राईले बताउनुभयो ।

भैंसी बाँधेर राखिएको ठाउँबाट आगो सुरु भएको थियो । यद्यपी आगोलागीको कारण खुल्न सकेको छैन ।

जस्ताको छाना भएकोले घर भने जोगाइएको वडाध्यक्ष शिव फुयाँलले सुनाउनुभयो । वर्ष दिनअघि मात्र विद्युत सर्ट भएर माणिकलाल प्रधानको घरमा आगोलागी हुँदा सोही घरमा रहेको फुयालको स्टेशनरी पसल पूर्णरुपमा जलेको थियो ।

गत मंसिर ३० गते भएको आगलागीमा फुयाँलको १५ लाख बराबरको क्षति भएको थियो ।

नागरिक अनलाइन

लेखकबाट थप

• बिहिवार, कार्तिक २७ २०७७०४:२५:००

• Tags:

  # आगलागी # खोटाङ

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग