मंगलवार, कार्तिक ४ २०७७

अमेरिकाबाट कांग्रेस नेता भण्डारीले गरे काठमाण्डौंका काेराेना प्रभावितलाई करिब १० लाख सहयोग

नागरिक अनलाइन

2.2K

अमेरिकाबाट कांग्रेस नेता भण्डारीले गरे काठमाण्डौंका काेराेना प्रभावितलाई करिब १० लाख सहयोग

अमेरिका, कात्तिक ४ ।
नेपाली कांग्रेसका महासमिति सदस्य हरिबोल भण्डारीले काठमाण्डौंको ३ नम्बर निर्वाचन क्षेत्रमा कोरोना महामारीवाट प्रभावित भएकाहरुलाई सहयोग गर्नका लागि ९ लाख ७५ हजार राहात रकम उपलब्ध गराएका छन् ।

उनले त्यस निर्वाचन क्षेत्रमा पर्ने सबै वडाहरुलाई ७५ हजारका दरले राहत रकम उपलब्ध गराएका हुन् । यस क्षेत्रमा १३ वटा वडा रहेको छ । अमेरिकामा व्यापार व्यवसायमा समेत संलग्न भण्डारी काठमाण्डौं क्षेत्र नं ३ वाटैं कांग्रेसका महासमिति सदस्य हुन् ।

सोमबार आयोजित एक कार्यक्रममा कांग्रेस काठमाण्डौं क्षेत्र नं ३ का क्षेत्रीय सभापति एवं गोकर्णेश्वर नगरपालिकाका मेयर सन्तोष चालिसे लगायत त्यस क्षेत्रका पदाधिकारीहरुको भेलाले कांग्रेस वडाका इकाई सभापति मार्फत सो राहत हस्तान्तरण गरिएको हो ।

भण्डारीले अहिले कोभिडका कारण अप्ठ्यारोमा परेका विपन्न व्यक्तिहरुलाई केहीभएपनि राहत हुन सकोस् भनेर आफूले सहयोग उपलब्ध गराएको बताए । भण्डारीले भूकम्पको चपेटामा परेका बेला पनि सहयोगी हात अघि बढाएका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)