बुटवल,बैसाख १२ ।

नेपाली कांग्रेसले यही वैशाख ३० गते हुने स्थानीय तह निर्वाचनका लागि पाल्पाका भाग परेका सबै स्थानीय तहमा उम्मेदवारको टुंगो लगाएको छ ।

पाँच दलीय गठबन्धनमा भागबन्डा भएअनुसार कांग्रेसले ६ पालिका प्रमुख र उपप्रमुखको उम्मेदवार चयन गरेको हो । जसअनुसार तानसेनको प्रमुखमा सन्तोषलाल श्रेष्ठ, रामपुर नगरपालिका प्रमुखमा रमणबहादुर थापा र उप-प्रमुखमा बालकुमारी थापा चयन भएका छन् ।

यस्तै, निस्दी गाउँपालिका अध्यक्षमा गोविन्दप्रसाद अर्याल र पूर्वखोला गाउँपालिका उपाध्यक्षमा बिष्णुकुमारी आचार्य उम्मेदवारी दिने भएका छन् भने रम्भा गाउँपालिकाको उपाध्यक्षमा विष्णुकुमार थापाले उम्मेदवारी दिनेछन् ।

माथागढी गाउँपालिका अध्यक्षमा सन्तोष थापा र उपाध्यक्षमा विजया भट्टराई तथा बगनासकाली गाउँपालिका अध्यक्षमा सुनिता अधिकारी, रिब्दीकोट गाउँपालिका उपाध्यक्षमा शान्ता अधिकारीको नाम टुङ्गिएको छ ।

रैनादेवी छहरा गाउँपालिकामा रूक्मांगत भट्टराई, तिनाउ गाउँपालिका उपाध्यक्षमा लालबहादुर थापालाई उम्मेदवार बनाउने निर्णय भएको नेपाली कांग्रेस सूचना विभाग प्रमुख सन्तोषकुमार थापाले बताए ।

पाल्पामा सत्तासाझेदार पाँच दलीय गठबन्धको बैठकले नेपाली कांग्रेसलाई दुई नगरको प्रमुखसहित ६ स्थानीय तहमा प्रमुख र एक नगरसहित ६ वटा स्थानी तहमा उपप्रमुखको जिम्मेवारी दिने भागबन्डा भएको छ ।

नागरिक अनलाइन

लेखकबाट थप

• सोमवार, बैशाख १२ २०७९०२:५६:२८

• Tags:

  # पाल्पा कांग्रेस

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)