बुटवल,बैसाख ११ ।

स्थानीय तहको निर्वाचनमा रुपन्देहीको तिलोत्तमा–१ बाट खिमलाल पाण्डेले वडाध्यक्षमा स्वतन्त्र उमेद्वारी दिने भएका छन् ।

नेत्रविक्रम चन्द विप्लव नेतृत्वको नेकपा माओवादीमा आवद्ध हुँदै आएका उनले आफूले स्वतन्त्र रुपले अध्यक्षमा उमेद्वारी दिने घोषणा गरेका हुन् । वडा तहमा रहेका विभिन्न सामाजिक संघ संस्थाहरुमा समेत आवद्ध हुँदै आएका उनले पार्टीबाट आफू अलग रहेर स्वतन्त्र रुपमा वडा अध्यक्षको उमेद्वारी दिन लागेको जानकारी गराए ।

तिलोत्तमा–१ शंकरनगरमा पत्रकार सम्मेलन गर्दै उनले आफ्नो जित निश्चित रहेको समेत दाबी गरे । विभिन्न ११ बँदे चुनावी प्रतिवद्धताहरु प्रस्तुत गर्दै पाण्डेले राजनीतिक दलहरु भित्र नातावाद र कृपावाद हावी भएका कारण त्यसबाट टाढा रहँदै निस्पक्ष रुपमा जनताको काम गर्न आफ्नो उमेद्वारी रहने उल्लेख गरे ।

२०५४ सालको स्थानीय निर्वाचनमा एमालेको तर्फबाट वडा सदस्य बनेका उनी नेकपा माओवादीहुँदै पछिल्लो ८ वर्ष विप्लव नेतृत्वको माओवादीमा आवद्ध भएका थिए ।

आफ्नो स्वतन्त्र उमेद्वारी घोषणासँगै उक्त पार्टीसँगको आवद्धता समेत टुँगिएर आफू स्वतन्त्र नागरिक मात्रै भएको उनले बताए ।

नागरिक अनलाइन

लेखकबाट थप

• आइतवार, बैशाख ११ २०७९०८:१०:१४

• Tags:

  # तिलोत्तमा-१ को वडाध्यक्ष # खिमलाल पाण्डे

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)