बुटवल,पुस ३।

गुल्मीमा भीरबाट खसेर एक दम्पतीको मृत्यु भएको छ।

शुक्रबार दिउँसो ३ बजे मुसिकोट नगरपालिका वडा नम्बर १ बाङ्गेस्थित एक सामुदायिक वनको भीरबाट खसेर एक दम्पतीको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक पुरूषोत्तम पाण्डेले जानकारी दिए। 

भीरबाट लडेर २६ वर्षीय श्रीमान मनु सार्की र २५ वर्षीया श्रीमती ज्ञानू परियारको मृत्यु भएको हो। प्रहरी नायब उपरीक्षक पाण्डेका अनुसार उनीहरू गोरेटो बाटोबाट झण्डै ७ देखि ८ सय मिटर तल खसेका थिए।

‘हाम्रो प्रारम्भिक अनुसन्धान अनुसार सुरूमा एक जना लडेर खसेको देखिन्छ, त्यसलाई बचाउनेक्रममा अर्को पनि खसेकोजस्तो देखिन्छ,’ पाण्डेले भने, ‘घटना भएको थाहा पाएलगत्तै उद्धारको लागि टोली खटिएर दुबैलाई अस्पताल पुर्‍याएका थियौं।’ उनीहरूको उद्धार गरी जिल्ला अस्पताल तम्घास पठाइएको थियो।

अस्पताल लगेर उपचार गराएको १०-१५ मिनेटमै चिकित्सकले मृत घोषणा गरेको प्रहरी नायब उपरीक्षक पाण्डेले बताए। उनका अनुसार श्रीमतीलाई लिएर श्रीमान ससुराली जाँदै थिए। छिटो पुग्ने बाटो भएको हुँदा उनीहरूले त्यहाँको बाटो प्रयोग गरेका थिए।

त्यसैक्रममा दुर्घटना भएको प्रहरीको भनाइ छ।  घटनासम्बन्धी प्रहरीले थप अनुसन्धान अघि बढाएको बताएको छ। 

नागरिक अनलाइन

लेखकबाट थप

• शनिवार, पौष ३ २०७८०४:१३:२९

• Tags:

  # मृत्युु # भीरबाट खसेर

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग