बुटवल, मंसिर २०।

नेपाली कांग्रेस लुम्बिनी प्रदेशको सभापतिमा अमरसिंह पुन विजयी भएका छन्। संस्थापन पक्षका भरत शाहलाई पराजित गर्दै पुन सभापतिमा विजयी भएका हुन्। विजयी पुनले ८५२ मत ल्याए भने शाहले ७६७ मत ल्याए।

अन्य पदाधिकारीमा पनि पुन पक्षकै वर्चस्व रहेको छ।  उपसभापतिमा पौडेल समूहका गुल्मीका भुवन प्रसाद श्रेष्ठले ८४७ र देउवा समूह दाङ्का राजु खनालले ७९२ मत ल्याएर विजयी भए भने पौडेल समूहका अष्ठभूजाले ७७२ र देउवा समूहका सुधाकर पाण्डेयले ६६१ मत ल्याएर पराजित हुनुपर्‍यो ।

त्यसैगरी महामन्त्रीमा पौडेल समूहका विक्रम खनाल ८४४ र सुरेन्द्रराज आचार्य ८३९ मत ल्याएर विजयी भए । सहमहामन्त्री पदमा पनि पौडेल समूहकै निमा गिरी ८३०, बिष्णु खनाल मुस्कान ८५९ र खगराज पाण्डेले ७७६ मत ल्याएर विजयी भए ।

पुनलाई कांग्रेसका केन्द्रीय नेता दीपक गिरी, डा‍.चन्द्र भण्डारी, संजय गौतमलगायतका नेताहरुको समर्थन थियो।

देउवा समूहबाट रुपन्देहीका प्रभावशाली मानिएका शाह प्रतिनिधिसभामा लगातार ३ पटक जितेका नेता हुन् उनी अहिले सार्वजनिक लेखा समितिका सभापति हुन् । उनलाई कांग्रेस नेता तथा गृहमन्त्री बालकृष्ण खाँण र देबेन्द्रराज कडेँलको साथ थियो । तर निर्वाचनमा उनी पराजित भए ।

१४औं महाधिवेशनअन्तर्गत  भएको प्रदेश अधिवेशनमा कुल १ हजार ६३१ मत खसेको थियो। प्रदेशको नेतृत्वको लागि शनिबार मतदान भएपनि आइतबार बिहानबाट मतगणना सुरू भएको थियो।

• कांग्रेसका ६ वटा प्रदेश अधिवेशन सम्पन्न,सभापतिमा संस्थापन समुहकै वर्चस्व !
• कांग्रेस लुम्बिनी प्रदेशको सभापतिमा अमरसिंह पुन विजयी
• कांग्रेस लुम्बिनीमा पौडेल प्यानलबाट उपसभापतिका दाबेदार अष्टभुजा मात्रै किन हारे ?
• कांग्रेस लुम्बिनी प्रदेश : सभापतिमा अमरसिंह पुन मगरको अग्रता कायमै (अपडेट मतपरिणाम)

नागरिक अनलाइन

लेखकबाट थप

• सोमवार, मंसिर २० २०७८०७:४०:४०

• Tags:

  # अमरसिंह पुन मगर # नेपाली कांग्रेस # अमरसिंह पुन # नेपाली कांग्रेस लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा