गुल्मी, असोज १९ ।

गुल्मीमा ट्याक्टर दुर्घनामापरि सोमबार एक जनाको ज्यान गएको छ भने दुई जना घाईते बनेका छन् ।

गुल्मीको गुल्मी दरबार गाउँपालिका १ काे बलिथुमवाट चन्द्रकोट गाउँपालिकाको मजुवातर्फ जाँदै गरेको  लु ४ त २८३३ नम्बरको ट्याक्टर सोमबार बिहान बलीथुमको टापु भन्ने स्थानमा दुर्घटना भएको हो । 

दुर्घटनामापरि ट्याक्टरमा सवार गुल्मी दरबार गाउँपालिका १ माझीगाउँ वस्ने वर्ष १६ का धन बहादुर माझीको ज्यान गएको जिल्ला प्रहरी कार्यालय गुल्मीका प्रहरी निरिक्षक राजकुमार रावलले जानकारी दिनु भएको छ । उनको ट्याक्टरको चक्काले च्याँपेर ज्यान गएको हो ।

दुर्घटनामापरि गुल्मी दरवार गाउँपालिका १ माझीगाँऊ बस्ने बर्ष १५ वर्षका लाल बहादुर बुढा मगर र ट्याक्टर चालक कपिलबस्तु घर भएका बर्ष ३० का रेशम ताम्राकार घाईते बनेका छन् ।

घाईतेहरुको अहिले स्थानीय शुभ शारथी मेडिकल मजुवामा उपचार भैरहेको प्रहरी सहायक निरिक्षक कृष्ण बहादुर गाहाले बताउनु भएको छ । र्दुघटना भएको उक्त ट्याक्टर सडकदेखि २० मिटर तल खसेको थियो । 

नागरिक अनलाइन

लेखकबाट थप

• सोमवार, आश्विन १९ २०७७११:२७:५१

• Tags:

  # दुर्घटना # गुल्मी

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग