बुटवल ,असोज २३ ।

लुम्बिनी प्रदेशका कृषि खाद्य तथा भूमि ब्यवस्था मन्त्री शुमन शर्मा रायमाझीले प्रदेश सरकार किसानका समस्या समाधानमा लागेको बताएकी छन् ।अब कृषि मन्त्रीको रुपमा किसानका समस्या हल गर्ने बताईन । 

रिपोर्टर्स क्लब नेपाल लुम्बिनी प्रदेशले बुटवलमा आयोजना गरेको साक्षात्कार कार्यक्रममा बोल्दै सरकारले कृषि मैत्री बजेटको ब्यवस्था गरेको बताउदै हेफर लगायतका संघ–संस्थाहरुसंग सहकार्य गर्दै कृषि क्षेत्रको ब्यवसायिकतामा जोड दिने बताईन । 

नेपाली कांग्रेस लुम्बिनी प्रदेशका सचेतक निर्मला क्षत्रीले प्रदेशमा ७० प्रतिशत जनसंख्या कृषिमा आधारित रहेको बताउँदै कृषिबाट आत्मनिर्भर बन्नको लागि प्रदेश सरकारले कृषि मैत्री बजेट ल्याएको दाबी गरिन । कोरोना संक्रमण पछि विदेशमा भएका युवा स्वदेशमा नै कृषि क्षेत्रमा लगानी गर्न चाहेको उनले बताउँदै सरकारले कृषिमा लगानी गर्ने युवालाई सहयोग गर्नु पर्ने जोड दिइन । 

हेफर ईन्टरनेशनल नेपालका वरिष्ठ उपाध्यक्ष डाक्टर महेन्द्र लोहनीले दुग्ध तथा माशुजन्य उत्पादनको लागि हेफरले कृषकहरुलाई नेपालमा सहयोग गर्दै आएको जानकारी दिए ।  बुटवलमा बन्दै गरेको बधशाला निर्माणको लागि २३ करोड सहयोग गरेको लोहनीले बताए ।

हेफर ईन्टरनेशनल नेपालका कार्यक्रम निर्देशक डा तिर्थराज रेग्मीले नेपालमा ३ लाख परिवार हेफरबाट लाभाविन्त भएको दाबी गरे ।नेपाल पत्रकार महासंघ लुम्बिनी प्रदेशका महासचिब विक्रम खड्काले सरकारबाट आउने कृषिका अनुदान बास्तविक किसानसम्म पुग्न नसकेको गुनासो पोखे ।

त्यस्तै , क्लवले हेफर ईन्टरनेश्नल नेपालले लुम्बिनी प्रदेशमा कृषि क्षेत्रमा महत्वपूर्ण योगदानको प्रशंसा गर्दै सम्मान पत्रले सम्मानित गरेको छ । रिपोर्टर्स क्लब नेपाल ,लुम्बिनी प्रदेशका अध्यक्ष रामकुमार क्षत्रीको अध्यक्षता तथा तेजेन्द्र केसीको सञ्चालनमा कार्यक्रम भएको थियो ।

नागरिक अनलाइन

लेखकबाट थप

• शनिवार, आश्विन २३ २०७८०३:४९:३५

• Tags:

  # शुमन शर्मा रायमाझी

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)