बुटवल,भदौ २५। 

नेपाली कांग्रेसको १४ औं महाधिवेशन अन्तर्गत वडा तहको अधिवेशन सकिएलगत्तै पालिकाको निर्वाचनको सरगर्मी बढेको छ ।

२७ गतेलाई तय भएको कांग्रेसको पालिकाको निर्वाचनको लागि रुपन्देहीको तिलोत्तमा नगर सभापतिको लागि नारायण न्यौपानेले उम्मेद्वारी घोषणा गरेका छन् ।

यस्तै उपसभापतिमा अशोक कुमार क्षेत्री र मधुसुदन गैरे, सचिवमा प्रकाश गैरे र शोभा राना मगर, सहसचिवमा दिनेश कुँवर थारु र केशरी उपाध्यायले पनि उम्मेद्वारी घोषणा गरेका हुन् ।शुक्रबार आयोजित पत्रकार सम्मेलनमा सभापतिका उम्मेद्वार न्यौपानेले आफूले संगठनलाई चलयामान बनाउन उम्मेद्वारी घोषणा गरेको बताए ।

उनले पार्टी भित्रको गुटबन्दीलाई अन्त्य गरि संगठनलाई अनुशासित रुपमा चलायमान बनाउने प्रतिबद्धता व्यक्त गरे । न्यौपानेले अग्रजलाई सम्मान र भातृ संगठनहरुलाई प्रोत्साहन गर्ने विश्वास व्यक्त गरे । उनले आफूहरु कुनै गुट–उपगुट नभई साझा उम्मेद्वारी दिएको बताए । 

न्यौपाने गत स्थानिय तहको निर्वाचनमा तिलोत्तमा वडा नं ९ मा नेपाली कांग्रेसबाट निर्वाचित वडा अध्यक्ष समेत हुन्।
अग्रजहरूले देखाएको प्रजातन्त्रप्रतिकोअटल विश्वासलाई जीवन्तता प्रदान गर्न र पार्टीमा नयाँ रक्तसञ्चारको प्रवाह गर्न १४ औं महाधिवेशन मा आफ्नो उमेदवारी सभापति रहेको न्यौपानेले बताए।

नागरिक अनलाइन

लेखकबाट थप

• शुक्रवार, भाद्र २५ २०७८०७:३८:३१

• Tags:

  # १४ औं महाधिवेशन # नेपाली कांग्रेस # तिलाेत्तमा नगरपालिका

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन