बुटवल,साउन २९ ।

लुम्बिनी प्रदेशमा बनेको नयाँ सरकारको पहिलो मन्त्रिपरिषद बैठकले ८ निर्णय गरेको छ । कुलप्रसाद केसी नेतृत्वको लुम्बिनी प्रदेश सरकारले क्यान्सर, किड्नी परिवर्तन र मुटुको भल्ब फेर्नु पर्ने बिरामीहरुलाई उपचारका लागि थप २ लाख रुपैयाँ दिने निर्णय गरेको छ।

यसअघि १ लाख रुपैयाँ पाइरहेकोमा थप २ लाख रुपैयाँ उपचार खर्च दिने निर्णय नवगठित सरकारको पहिलो मन्त्रिपरिषद बैठकले गरेको प्रवक्ता कृष्णध्वज खड्काले जानकारी बताए।

यस्तै सरकारले कोभिड १९ का बिरामीको उद्दार गर्न हटलाईन र एम्बुलेन्सको ब्यवस्था गर्ने र त्यस्तो खर्च प्रदेश सरकारले बेहोर्ने निर्णय गरेको छ। 

यी हुन् पहिलो मन्त्रिपरिषद्का ८ निर्णय :

१-प्रदेश नं ५ प्रदेश सरकार (कार्यसम्पादन पहिलो संशोधन) नियमावली, २०६५ स्वीकृत गर्ने । 

२- कोभिड (१९ का विरामीको तत्काल उद्दार गर्न हटलाइन र सवारीसाधन (एम्बुलेन्स)को व्यवस्था गर्ने र सो को खर्च प्रदेश सरकारले व्यहोर्ने ।

३-कोराना प्रभावित क्षेत्रमा स्वास्थ्य शिविर मार्फत एण्टीजेन टेष्टको व्यवस्था गरी कोभिड प्रभावितको उपचार र उद्धार गर्ने ।
४-कोभिड- १९ विरुद्धको खोप वितरण प्रणालीलाई प्रभावकारी बनाई प्रदेशवासी जनतालाई खोपको सुनिश्चितता गर्न विशेष व्यवस्था गर्ने। 

५-प्रदेश सरकारको प्रवक्तामा आर्थिक मामिला तथा योजना मन्त्री कृष्णध्वज खड्‌कालाई तोक्ने ।
६- मुख्यमन्त्रीको प्रमुख सल्लाहकारमा अमर बहादुर डाँगीलाई नियुक्त गर्ने ।

७- क्यान्सर, किड्नी परिवर्तन र मुटुको भल्व फेर्नु पर्ने विरामीहरुलाई उपचारका लागि हाल पाइरहेको सुविधाका अतिरिक्त प्रदेश सरकारको तर्फवाट थप २ लाखका दरले उपलब्ध गराउने । 

८- मातृमृत्यूदर कमगर्न लुम्बिनी प्रदेशका स्थानीय तहको भागको आधारमा एक-एक वटा पोर्टेवल अल्ट्रासाउण्ड मेसिन सहित तालिम प्राप्त नर्सको उपलब्ध गराउने । 

• मुख्यमन्त्री केसीले लिए सपथ,सात सदस्यीय मन्त्रीमण्डल (कार्यबिभाजन सहित)
• लुम्बिनी प्रदेशको मुख्यमन्त्रीमा कुलप्रसाद केसी नियुक्त
• यी हुन् लुम्बिनी प्रदेशको नयाँ मन्त्रिपरिषदका ८ निर्णय

नागरिक अनलाइन

लेखकबाट थप

• शुक्रवार, श्रावण २९ २०७८०४:४२:४२

• Tags:

  # लुम्बिनी प्रदेश # लुम्बिनी प्रदेश सरकार # कुलप्रसाद केसी # मन्त्रिपरिषद # मुख्यमन्त्री कुलप्रसाद केसी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा