बुटवल,फागुन ४ -

विश्व हिन्दु महासंघ नेपालको केन्द्रीय कार्यकारिणी समिति तथा जिल्ला अध्यक्षहरुको बैठक रुपन्देहीमा शुरु भएको छ ।

समितिका १ सय ८ केन्द्रीय पदाधिकारी, सदस्यसहितको देशभरका प्रतिनिधिहरुको मंगलबारदेखि स्वामीनारायण मुक्तिनाथ धाममा बैठक शुरु भएको हो । बैठकमा बोल्ने सहभागीहरुले नेपालमा हिन्दु राष्ट्र फर्काउन एकमत रहेको दाबी गरेका छन ।

धामका पिठाधिस १००८ लोकानन्द स्वामीले उद्घाटन गर्दै ब्यक्ति,समाज हुँदै विश्व संचालन गराउने वैज्ञानिक विधिका रुपमा हिन्दु शिक्षा महत्वपुर्ण रहेको बताए ।

आध्यात्मिक चिन्तनबाट नै समाजमा परिवर्तन आउने दाबी गर्दै उनले सनातन हिन्दु वैदिक शिक्षा प्रदान गर्ने गुरुकुल बनाउने गरि योजना ल्याउन सुझाव दिए ।धर्म र संस्कृति संरक्षणमा अन्तराष्ट्रिय संस्थाका रुपमा रहेको महासंघलाई अगाडी बढाउन समेत शुभकामना दिए ।

कार्यक्रममा नेपाली काँग्रेसका नेता तथा संघीय सांसद देवेन्द्र राज कंडेल, केन्द्रीय उपाध्यक्ष बेनबहादुर पौडेलले हिन्दुराज्य फर्काउने मुख्य उदेश्य अनुरुप आफुहरु एकमत भएर अघि बढ्ने बताए । विश्वमा ८२ प्रतिशत जनसंख्या हिन्दु धर्मावलम्बी रहेको दाबी गरे ।

हिन्दुराज्य निर्माणका लागि मेचिमहाकाली जागरण अभियान चलाउने एजेन्डालाई अगाडी बढाएको महासंघका केन्द्रीय अध्यक्ष डा रामचन्द्र अधिकारीले बताए ।

कार्यक्रममा सचिब रामचन्द्र तिवारी,केन्द्रिय सदस्य डिल्लीप्रसाद शर्मा आचार्य लगायतले बोल्दै नेपाललाइ हिन्दु राष्ट्र बनाउनुपर्नेमा जोड दिए ।

नागरिक अनलाइन

लेखकबाट थप

• मंगलवार, फाल्गुण ४ २०७७०५:४९:५१

• Tags:

  # विश्व हिन्दु महासंघ नेपाल # हिन्दुधर्म # हिन्दु राष्ट्र

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...