बुटवल ,असोज १२ ।
नेपाली कांग्रेसको १५‌ औँ महाधिवेशनअन्तर्गत रुपन्देही क्षेत्र नं. २ बाट इ. कुसुमराज ज्ञवालीले खुलातर्फ केन्द्रीय महाधिवेशन प्रतिनिधि पदमा उम्मेदवारी घोषणा गरेका छन्।

इन्जिनियरिङ क्षेत्रको व्यावसायिक अनुभवसँगै नेपाली कांग्रेसको संगठनमा सक्रिय भूमिका निर्वाह गर्दै आएका ज्ञवाली नेपाली कांग्रेस लुम्बिनी प्रदेश कार्यसमिति सदस्य हुन्। उनी नेपाल इन्जिनियर एसोसिएसन, लुम्बिनी प्रदेशका संस्थापक सभापति समेत हुन्।

प्राविधिक ज्ञान, संगठनात्मक अनुभव र नेतृत्वदायी भूमिकालाई पार्टी संगठनसँग जोड्दै आएका ज्ञवालीले कांग्रेसलाई समय अनुकूल, सशक्त र गतिशील बनाउने एजेन्डासहित आफ्नो उम्मेदवारी अघि सारेका छन्।उनले कांग्रेसभित्र नयाँ सोच, दक्षता र पुस्तान्तरणसँगै अनुभवी नेतृत्वको सम्मान आवश्यक रहेको बताउँदै पार्टीलाई थप व्यवस्थित, सक्षम र जनमुखी बनाउन आफ्नो भूमिका रहने प्रतिबद्धता व्यक्त गरेका छन्।

गौरव, गति र गन्तव्य’लाई मूल भाव बनाएका ज्ञवालीले समुन्नत नेपाल निर्माणका लागि सबल कांग्रेस आवश्यक रहेको धारणा अघि सारेका छन्।उनको उम्मेदवारीले रुपन्देही–२ मा प्राविधिक तथा व्यावसायिक क्षेत्रबाट पार्टी नेतृत्वमा प्रतिनिधित्वको विषयलाई समेत बहसमा ल्याएको छ।

नागरिक अनलाइन

लेखकबाट थप

• सोमवार, आश्विन १२ २०८३०२:१८:२२

• खेतिकिसानीमा ब्यस्त रूपन्देहीका किसान (फोटोफिचर)

• आज बडादशैं : टीका लगाउने उत्तम साइत बिहान १०ः२६ बजे

• नेपाली कांग्रेस रूपन्देही क्षेत्र नं. २ (ख) द्वारा शुभकामना आदानप्रदान

• कांग्रेस बुटवलको पहिलो निर्णय : गणेशमान स्मृति भवन पछाडि नयाँ भवन बनाइने

• दसैँ केवल पर्व होइन,सम्बन्ध जोड्ने अवसर हो