बुटवल,असार ३० ।

नेपालमा टीभीएस मोटर कम्पनीले नयाँ टीभीएस अपाचे आरटीआर १६० फोर भी सार्वजनिक गरेको छ ।

जगदम्बा मोटर्समार्फत बुटवलमा आयोजित कार्यक्रममा सार्वजनिक गरिएको यो मोटरसाइकललाई कम्पनीले १६० सीसी वर्गकै सबैभन्दा शक्तिशाली मोडलका रूपमा प्रस्तुत गरेको छ ।

कम्पनीका अनुसार नयाँ अपाचे आरटीआर १६० फोर भीमा पहिलो पटक प्रोजेक्टर अगाडिको बत्ती, अपसाइड–डाउन अगाडिको सस्पेन्सन र ५ इन्चको टीएफटी डिजिटल उपकरण प्यानल जस्ता अत्याधुनिक प्रविधि समावेश गरिएको छ । रेसिङ इन्जिनियरिङमा आधारित यो मोटरसाइकलमा स्पोर्ट, अर्बन र रेन गरी तीनवटा सवारी सञ्चालन मोड उपलब्ध छन् ।

१५९.७ सीसी क्षमताको इन्जिन रहेको यस मोटरसाइकलले स्पोर्ट मोडमा १७.५५ पीएस तथा अर्बन र रेन मोडमा १५.६४ पीएस शक्ति उत्पादन गर्ने कम्पनीले जनाएको छ । साथै, यसमा दोहोरो च्यानल एन्टिलक ब्रेकिङ प्रणाली (एबीएस) र १२ लिटर क्षमताको इन्धन ट्याङ्की रहेको छ ।

सार्वजनिक कार्यक्रममा बुटवलका लागि जगदम्बा मोटर्सका आधिकारिक विक्रेता बालाजी अटोमोबाइल्सका सञ्चालक विशाल जैसवालले टीभीएस अपाचे नेपाली युवामाझ प्रदर्शन, शैली र प्रविधिका कारण लोकप्रिय रहेको उल्लेख गर्दै नयाँ मोडलले ग्राहकको विश्वास अझ मजबुत बनाउने विश्वास व्यक्त गरे ।

त्यसैगरी, जगदम्बा मोटर्सका प्रिमियम बिक्री प्रमुख विपिन बोगटीले अपाचे ब्रान्डले २५ वर्षभन्दा बढी समयदेखि विश्वका ६० भन्दा बढी देशका ७० लाखभन्दा बढी सवारी चालकको विश्वास जितेको बताउँदै नयाँ आरटीआर १६० फोर भीले १६० सीसी वर्गमा नयाँ मापदण्ड स्थापित गर्ने दाबी गरे ।

कम्पनीका अनुसार टीभीएस अपाचे आरटीआर १६० फोर भी टीएफटी नेपालभरका चयनित विक्रेतामार्फत उपलब्ध भइसकेको छ भने चाँडै देशभर विस्तार गरिनेछ । यो मोटरसाइकल म्याट कालो, रेसिङ रातो र मरिन नीलो गरी तीन रङमा उपलब्ध छ ।

यस मोटरसाइकलको शोरुम मूल्य ४ लाख २९ हजार ९ सय रुपैयाँ निर्धारण गरिएको कम्पनीले जनाएको छ ।

नागरिक अनलाइन

लेखकबाट थप

• बुधवार, आषाढ ३१ २०८३०१:०३:५१

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन