पोखरा,बैसाख १४ ।

२०८१ सालको पुस महिनामा सम्पादन गरेका कामलाई मूल्याङ्कन गरेर कास्की प्रहरीले उत्कृष्ट प्रहरीका रूपमा वरिष्ठ हवलदार विष्णु थापा क्षेत्रीलाई सम्मान गर्‍यो ।

कास्की प्रहरीको अपराध अनुसन्धान शाखामा खटिएका उनले विभिन्न सहकारी ठगी सम्बन्धी कसुर, सङ्गठित अपराध, सम्पत्ति शुद्धीकरण लगायतका कसुरको अनुसन्धानमा उत्कृष्ट काम गरेको भन्दै उनी सम्मानित भएका हुन् ।

उनले आफ्नो पदीय दायित्वलाई इमानदार, बफादार, कर्तव्यनिष्ठ भएर उच्च व्यावसायिक सुझबुझका साथ काम गरेको र प्रहरीको छवि उच्च राखेको भन्दै सम्मान दिइएको हो ।

उनै प्रहरी हवलदार शनिबार साँझ घुससहित पक्राउ परे। लागू औषध सम्बन्धी मुद्दा मिलाइदिन्छु भन्दै घुस डिल गरेका उनलाई शनिबार सेवाग्राहीले ५० हजार दिए । स्रोतका अनुसार थापाले ३ लाख डिल गरेका थिए ।

सोही रकमसहित रंगेहात उनलाई अख्तियार दुरुपयोग अनुसन्धान आयोगले पक्राउ गरेको हो । उनी जिल्ला प्रहरी कार्यालय कास्कीको मुद्दा फाँटमा कार्यरत छन् । हवलदार थापाले आफूलाई पटक पटक दुख दिने गरेको आरोप सेवाग्राहीहरूले लगाएका छन् । फाइल लुकाइदिने र सेवाग्राहीसँग बार्गेनिङ गर्ने गरेको आरोप उनीमाथि छ ।

उनी विरुद्ध अख्तियार, राष्ट्रिय सतर्कता केन्द्र, मुख्यमन्त्री कार्यालयदेखि प्रधानमन्त्री कार्यालयसम्म उजुरी छ ।

उनी पहुँचकै भरमा दरबन्दी प्रहरी चौकी अरुणखोलामा भए पनि कास्कीमा काज सरुवा भएका थिए । त्यसमा पनि मुद्दा फाँटमा रहेर उनले लामो समयदेखि काम गरिरहेका छन् । थापा विरुद्ध थप अनुसन्धान भइरहेको अख्तियार कार्यालय पोखराले जनाएको छ । 

नागरिक अनलाइन

लेखकबाट थप

• सोमवार, बैशाख १४ २०८३०१:५५:१०

• Tags:

  # घुस काण्ड

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन