बुटवल,माघ १४ । 

भारत सरकारले निशुल्क उपलब्ध गराएको कोभिड १९ बिरुद्धको खोप आजदेखि लुम्बिनी प्रदेशमा लगाउन शुरु गरिदैछ।बुटवलमा लुम्बिनी प्रादेशिक अस्पताल र भैरहवाको भीम अस्पतालबाट खोप लगाईदै छ। 

लुम्बिनी प्रदेशमा आएको खोप मध्ये पहिलो खोप लुम्बिनी प्रादेशिक अस्पतालका प्रमुख मेडिकल सुपरिटेण्डेन डा राजेन्द्र खनालले लगाउने भएका छन्। पहिलो चरणमा लुम्बिनी प्रदेशका ३९ हजार ४ सय ९५ जनालाई पुग्ने गरी खोप ल्याईएको लुम्बिनी प्रदेशको सामाजिक बिकास मन्त्रालयका प्रवत्ता डा. पुष्पराज पौडेलले जानकारी दिए। 

लुम्बिनी प्रदेशका मुख्यमन्त्री शंकर पोखरेलको उपस्थितीमा बिहान ९ बजे डा. खनालले खोप लगाएपछि खोपको औपचारिक रुपमा सुरुवात हुने डा. पौडेलले जानकारी दिए।

डा खनालले भने–‘म स्वास्थ्यकर्मी त्यसमा पनि कोभिड १९ जितेको व्यक्ति भएको हुँदा सबैलाई खो प्रतिको बिश्वास जगाउन र हौसला प्रदान गर्न पहिलो खोप लगाउन थालेको हु।’

पहिलो चरणमा स्वास्थ्यकर्मी, शुरक्षाकर्मी र फ्रन्टलाईटनमा खटिने व्यक्तिलाई खोप लगाईने भएकोछ।  रुपन्देहीको दुई सरकारी अस्पतालबाट खोप लगाईदै छ। 

नागरिक अनलाइन

लेखकबाट थप

• बुधवार, माघ १४ २०७७०८:५६:२६

• Tags:

  # कोभिड १९ बिरुद्धको खोप # लुम्बिनी प्रादेशिक अस्पताल

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग