बुटवल,माघ ३० ।
नेपाली कांग्रेसका महामन्त्री गगन कुमार थापाले संविधानको जिम्मा र स्वामित्व लिदै सबैको चित्त पनि बुझाएर अघि बढ्ने बताउनुभएको छ । उहाँले नेपाली कांग्रेस राष्ट्रिय पार्टी भएकोले सबैलाइ समेट्ने,चित्त बुझाउने समेत दायित्व कांग्रेसको हुने उल्लेख गर्नुभयो । 
नेपाल मुस्लिम संघ लुम्बिनी प्रदेशको प्रथम अधिवेशनको बुटवलमा उद्घाटन गर्दै महामन्त्री थापाले मुस्लिम समुदायको सबैभन्दा प्रिय पार्टी कांग्रेस नै रहेको बिगतका चुनावहरुका परिणामले समेत पुष्टि गरेको दाबि गर्नुभयो ।

थापाले तत्कालिन प्रधानमन्त्री तथा पार्टी सभापति शुशिल कोइरालाको पालामा बनेको संविधान र सभापति शेरबहादुर देउवाको पालामा कार्यान्वयनमा गएकोले अहिलेको संविधानप्रति कांग्रेसले जम्मा र स्वामित्व लिने समेत उल्लेख गर्नुभयो ।
महामन्त्री थापाले कांग्रेस एमालेको सरकारलाइ असफल हुने छुट नभएको भन्दै राम्रा मात्रै काम गर्ने अधिकार रहेको समेत बताउनुभयो ।
‘संविधानको जिम्मा पनि लिने हो,स्वामित्व पनि लिने हो,सबैको चित्त पनि बुझाउने हो ,अरु सरकार भन्दा बाहिर रहेका पार्टीहरुसंग पनि सम्बाद गर्ने हो । ’ थापाले भन्नुभयो— संविधानमा भएका अस्पष्टता र अफ्ठ्यारा फुकाउनका लागि संविधान संशोधनको कुरा उठेको हो । प्रेस स्वतन्त्रता र नागरिकका मौलिक हक स्थापित गर्न कांग्रेसले लामो समय संघर्ष गरेकोले त्यसमा कांग्रेसले कुनै सम्झौता नगर्ने बताउनुभयो ।

पार्टीको आगामी महाधिवेशन पुर्वनिर्धारित समयमै हुने भन्दै उहाले महाधिवेशनसँग सम्बन्धित आवश्यक प्रक्रिया अगाडि बढाउन पनि उहाले नेता कार्यकर्ताहरूलाई आग्रह गर्नुभयो । कांग्रेसले स्थपनाकालदेखि समानुपातिक समावेशीताको सिद्धान्त अवलम्बन गरेको भन्दै उहाले संघीय लोकतान्त्रिक गणतन्त्र र समानुपातिक समावेशीतालाई कांग्रेसले कहिल्यै नछाड्ने दाबी गर्नुभयोे ।
बर्तमान सरकार कांग्रेसले चाहेर र कांग्रेसको प्रयासका कारण गठन भएको नभई समय र परिस्थितिको उपज भएको भन्दै महामन्त्री थापाले यो तीन बर्षको अवधिलाई जनताको पक्षमा अधिकतम सदुपयोग गर्नुपर्नेमा जोड दिनुभयो । सो अवसरमा कांग्रेस नेताहरु बालकृष्ण खाण,अब्दुल रज्जाक,देबेन्द्रराज कडेल,नैनसिंह महर,गंगा शाही,अमरसिंह पुन,रामकृष्ण खाँण जाकिर हुसेन,संसुधिन मिया,सवर मिया लगायतले बोल्नुभएको थियो ।अधिवेशनले नयाँ नेतृत्व चयन गर्ने संघका प्रदेश सभापति जाकिर हुसेनले बताउनुभयो ।

नागरिक अनलाइन

लेखकबाट थप

• बुधवार, माघ ३० २०८१०७:४५:२०

• Tags:

  # कांग्रेस महामन्त्री गगन थापा

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)