बुटवल,मंसिर १० ।

बुटवलमा जारी रुपन्देही डान्स स्टारको चौथो संस्करणको ओपन राउन्डबाट ४० जना सेमिफाइनलका लागि छनोट भएका छन् ।छमछमी कला केन्द्रको आयोजनामा मंसिर ५गते शनिबार देखि बुटवलमा रुपन्देही डान्स स्टार सिजन ४ शुरू भएको हो ।

प्रतियोगितामा अडिसनमा सहभागि १०२ जनाबाट ६० जना छनोट भई ओपन राउन्डमा पुगे भने ओपनबाट २० जनाको विदाइ गरेर ४० जना सेमिफाइनलका लागि छनोट भएको छमछमीका संचालक किशोर थापाले बताए । उनले नागरिक अनलाईनसंग भने -‘१०२ जनाबाट ६० जना हुँदै ४० जना छनोट भएका छन् ।

’प्रतियोगितामा सिंगल डान्स मात्र राखिएको उनले बताए । नेपाली कला, संस्कृतिको संरक्षण गर्दै युवा कलाकार उत्पादन गर्ने उद्धेश्यका साथ डान्स स्टार चलाइएको हाे ।

प्रतियोगिताको उपाधि विजेताले नगद ५० हजार रुपैया, ट्रफी र गिफट हेम्परबाट पुरस्कृत गरिने उनले बताए । यसैगरि उपविजेताले ३० हजार, तृतियले २० हजार तथा सान्त्वनाले १० हजार रुपैयाँ पुरस्कारबाट पुरस्कृत गरिने उनले बताए ।
एक महिनासम्म विभिन्न चरण हुदै चल्ने प्रतियोगितामा नेपाली र अग्रेजी गितमामात्र प्रतियोगीले आफनो नृत्य प्रस्तुत गर्न पाउने उनले बताए ।

नृत्य प्रतियोगिताको नाममा बजारमा बिकृति छाएको भन्दै उनले यो प्रतियोगितामा वर्कसप, एसएमएस भोटिङ जस्ता कुनै पैसा उठाउने काम नगर्ने दाबी गरे । यसपछि हुने फाईनलमा भने निर्णायकको ६० प्रतिशत र प्रवेशवापत दर्शकको टिकटको भोटिङ ४० प्रतिशत निर्णायक हुने उनले बताए ।

कार्यक्रममा गार्गी एकेडेमीका अध्यक्ष झविन्द्र अधिकारी,प्राचार्य भुवन अधिकारी ,कलाकार बिजय सापकोटा लगायतले बोल्दै प्रतियोगिता सफलताको कामना गरेका छन् । प्रतियोगिताको पहिलो संस्करणमा लक्ष्मी पुन, दोस्रो संस्करणमा अंकिता थापा र तेस्रो संस्करणमा लिजा थापा विजेता भएकी थिईन ।

सेमिफाइनल १५ गते शनिबार हुनेछ ।

• रुपन्देही डान्स स्टार सिजन चारको अडिसन राउन्ड सकियो,१०२ बाट ६० जना ओपन राउन्डमा पुगे
• छमछमीको `रुपन्देही डान्स स्टार´को चौंथो संस्करण भोलिदेखि बुटवलमा
• भदौ ४ देखि रुपन्देही डान्स स्टार सिजन-३ शुरु हुने

नागरिक अनलाइन

लेखकबाट थप

• सोमवार, मंसिर १० २०८१०४:५२:०६

• Tags:

  # रुपन्देही डान्स स्टार # रुपन्देही डान्स स्टार सिजन-४

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...