बुटवल,पुस २८-

उर्जा मन्त्री टोपबहादुर रायमाझीले विद्युत खपत बढाउन सवैलाई आह्वान गर्नुभएको छ । अहिले विद्युतको उत्पादन धेरै हुदै गएकाले तत्काल विद्युतको खपत बढाउनु पर्नेमा उहाँले जोड दिनु भएको हो । 

आफु अहिले दोस्रो पटक उर्जा मन्त्रालयको जिम्मेबारी लिइरहँदा मन्त्रालयका चुनौतीहरु फेरिएको अनुभव पनि उहाँले सुनाउनु भयो ।

उहाँले भन्नुभयो, “पहिलो पटक उर्जा मन्त्री हुँदा विद्युतको अभाव हुने समस्या थियो, अहिले उर्जा मन्त्री हुँदा विद्युत धेरै हुने समस्या भएको छ, त्यसैले उर्जा खपत बढाउनु पर्ने भएको छ ।”

भिजन लुम्बिनी उर्जा कम्पनी लिमिडेटको साधारण सभा उद्घाटन कार्यक्रममा उहाँले उर्जा खपत बढाउनका लागि मन्त्रालयले अहिले विभिन्न योजना तथा नयाँ नयाँ नीतिहरु बनाउदै गरेको जानकारी पनि दिनुभयो । आगामी भदौसम्ममा ५०० मेघावाट विजुली खेर जानेगरी उत्पादन भइरहेको बताउदै उहाँले स्वदेशमा खपत बढाउने अभियानसँगै विदेशमा विक्रि गर्ने गृहकार्य पनि भइरहेको उल्लेख गर्नुभयो । 

विद्युत प्रवाहको संरचना पुरानो हुनु पनि अर्को चुनौतीका रुपमा रहेको मन्त्री रायमाझीको  भनाई छ । विद्युतको संरचना पुरानो हुँदा विद्युत विक्रि वितरणमा समस्या हुने उहाँले बताउनुभयो । 
विद्युतको विक्रि र खपत बढाउन सरकार सफल हुने दावी गर्दै उहाँले भिजन लुम्बिनी उर्जा कम्पनी लिमिटेडले पनि निर्धारित समयमा विजुली उत्पादन गर्ने विश्वास व्यक्त गर्नुभयो ।

भिजन लुम्बिनीले कास्कीको माछापुच्छ«े गाउँपालिकामा बनाउदै गरेको २५ मेघावाटको जलविद्युत आयोजनाका लागि राज्यको तर्फबाट हुने सवै सहयोग र सुविधाका लागि कुनै कमि नहुने आश्वासन पनि दिनुभयो । 

यो आयोजनाका लागि सरकारी स्वामित्वको हाइड्रो इलेक्ट्रिसिटी इन्भेष्टमेन्ट एन्ड डेभलपमेन्ट कम्पनी लिमिटेड (एचआइडिसिएल)ले कूल स्वपुँजी मध्ये १८.५२ प्रतिशत (२० करोड रुपैयाँ) लगानी गर्ने सम्झौता गरेको छ ।

भिजन लुम्बिनीले तिब्र गतीमा पारदर्शी, सुशासन र जवाफदेहितासहित सामुहिक लगानीमा काम गरिरहेकाले निर्धारित समयमा गुणस्तरीय काम सम्पन्न हुने धेरै आधार देखिएकाले लगानी गरेको एचआइडिसिएलका प्रमुख कार्यकारी अधिकृत छविराज पोखरेलले बताउनुभयो।

सेती नदी हाइड्रोमा एनएमबी बैंक लिमिटेडको अगुवाईमा ३ बैंक तथा वित्तीय संस्थाले ३.५० अर्ब रुपैयाँ लगानी गर्ने प्रतिबद्धता जनाएको भिजन लुम्बिनीका अध्यक्ष जगत पोखरेलले जानकारी दिनुभयो ।

एनएमबी बैंक एक्लैले आयोजनामा २ अर्ब २० करोड रुपैयाँ लगानी गर्नेछ । यस्तै, कर्मचारी सञ्चय कोषले ८० करोड र कृषि विकास बैंकले ५० करोड लगानी गर्नेछन् ।

कूल ५ अर्ब रुपैयाँ लागत अनुमान गरिएको आयोजना आगामी २०७९ साउनभित्र निर्माण पूरा गरी विद्युत् उत्पादन गर्ने लक्ष्य रहेको छ । आयोजनाको विद्युत् विद्युतगृहदेखि ४ किलोमिटर टाढा १३२ केभी लाहाचोक सबस्टेसनमा जोडिनेछ ।
६ महिना बर्खा र ६ महिना हिउँदमा उत्पादित विद्युत् किन्ने गरी नेपाल विद्युत् प्राधिकरणसँग विद्युत् खरिद सम्झौता (पिपिए) भएको छ । पिपिए अनुसार प्राधिकरणले बर्खामा प्रतियुनिट ४.८० रुपैयाँ र हिउँदमा ८.४० रुपयाँमा विद्युत् किन्नेछ । 
हालसम्म करिब २५ प्रतिशत निर्माण पूरा भइसकेको आयोजनाबाट वार्षिक १४८ गिगावाट घन्टा विद्युत् उत्पादन हुने अध्ययनले देखाएको छ । रसुवा लुना जेभी कम्पनीले आयोजना निर्माणको जिम्मा पाएको छ । नदी प्रवाही प्रकृतिको आयोजनामा ५ मिटर उचाई र १३ मिटर लम्बाईको बाँध निर्माण हुनेछ ।

यी समाचार पनि पढाैँ :-

नेपालमा काँग्रेसले खुल्ला अर्थनीति ल्याएका कारण नीजि क्षेत्र फस्टाउन पाए : बालकृष्ण खाँण

विद्युत खपत बढाउन उर्जा मन्त्री रायमाझीको आह्वान

छरिएको पुँजी एकिकृत गरेर लगानी गर्ने अभ्यास गरौँ : अर्थमन्त्री विष्णु पौडेल

नागरिक अनलाइन

लेखकबाट थप

• मंगलवार, पौष २८ २०७७०५:५९:४९

• Tags:

  # टोपबहादुर रायमाझी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन